VOV4.K’ho- Tàm broă rơndap lơh cit sơnơm vaccine dà lơgar rơcang sơndră kòp Covid-19, Quân khu 5 geh jàu kơnòl broă dờp, prap gàr, pơndiang, phàt sơnơm vaccine rơcang sơndră kòp Covid-19 ai 11 càr, ƀòn dờng tiah tàm gùl lơgar mờ Tây Nguyên tàm ù tiah Quân khu dê in. Ală ngai do, mpồl pơndiang, jun phan bơh mpồl atbồ anih prap sơnơm vaccine Quân khu 5 dê neh ờ ngòt ngai mang, lơh ngan pơndiang jun sơnơm vaccine tus ală càr, ƀòn dờng, gàr niam ờdo ờdă bè tơl bơta.

Tŭ do, Quân khu 5 neh dờp 14 rơndeh pơndiang sơnơm vaccine, Quân khu 5 pơgồp bal mờ cơldŭ rơndeh măi prap gàr, sền sơ wì, gròi sền bơta mrềt duh ală thùng rơndeh lơh mrềt, gàr khà mrềt duh niam ngan rlau jơh tàm tŭ pơndiang sơnơm vaccine. Tus tŭ do, Cục Hậu cần Quân khu 5 neh bơyai lơh pơndiang geh cồng nha rlau 10 tấn phan ngui lơh sơnơm mờ mờr 300 rbô ding sơnơm vaccine tus ală càr, ƀòn dờng tàm tiah tàm gùl lơgar mờ Tây Nguyên. Bơta lơh ngan bơh ală mpồl ling gơ wèt Quân khu 5 dê neh pơgồp bơnah tơnguh mhar tơngai cit sơnơm vaccine rơcang sơndră kòp Covid-19, lơh ngan kơryan kòp dờng.

Cau mblàng K’Duẩn