VOV4.K’ho –  Tàm Hà Nội, Quân ủy dà lơgar bơyai lơh pơrjum ai jơnau đơs bè jơnau rơcang cih sră nggal pơrjum cau ala mat Đảng bộ ling klàng dơ\ 11. Tổng Bí thư, Chủ tịch lơgar, ồng Nguyễn Phú Trọng đơs niam bơta kơ lôi rơcang tàm broă lơh rơcang lài mờ bơta niam jơnau rơcang cih ală sră nggal yal pơrjum cau ala mat Đảng bộ ling klàng dơ\ 11.

                      Tổng Bí thư, Chủ tịch lơgar, ồng Nguyễn Phú Trọng đơs đơng lam pơrjum

Mơkung kơp kờ` broă lơh rơcang pơrjum geh lơh niam, nàng pơrjum in lơh geh cồng nha, gơ gơs là broă lơh lài geh cồng nha, tơnguh nùs nhơm mờ bơta pơn iờ să, lơh gơlik bơta pràn pơn jờng lơh geh cồng nha tu\ mut tàm tơngai pa.

Tàm pơrjum, ală kuang bàng neh tơr gùm cribơyai bè Nghị quyết đơng lam bồ lam lơh kơ nòl ling klàng, sền gàr dà lơgar mờ bơt bơtàu Đảng bộ ling klàng pah nam bơh Quân ủy dà lơgar dê; ală broă rơndap lơh sền gàr dà lơgar, broă rơndap lơh ling klàng Việt Nam, broă rơndap lơh sền gàr dà lơgar tàm internet, broă sền gàr tiah nhàr dà lơgar….; mơkung pơlam, lơh jat ngan ngồn ală tơngume kuơmàng bè ling klàng, sền gàr dà lơgar geh đơs tàm jơnau rơcang cih jơnau yal chính trị yal pơrjum Đảng gùt lơgar dơ\ 13.

Cau mblàng K’Duẩn