VOV4.K’ho - Tàm rài tam lơh mờ Mỹ,  làng bol xã Quảng Sơn, kơnhòal Dak Glong, càr Dak Nông dùl nùs jat Đảng, ròng pồn, ai phan sa cau kuang in. 43 nam tơnơ\ ngai geh tơng klas, xã tiah sar lơgar ngài Quảng Sơn tu\ do geh khà bơtàu tơngguh lam bồ dùl, bar ngan bơh kơnhòal ua\ ngan kal ke Dak Glong.

Lòt jat gùng càr sồ 6, bol a` geh tus wơl còp xã tiah sar lơgar ngài Quảng Sơn, kơnhòal Dak Glong, kơnhòal ua\ ngan kòl yan kal ke bơh càr Dak Nông. 2 đah gùng neh da\ chài gơlam mut tàm xã, ala\ hìu jơnhua cờ` mpờl go\ lip lơp tàm ala\ suơn kơphe, tiêu tơlir gơs niam. Ua\ gùng mờ bê tông neh  lòt tus tàm ala\ [òn làng. Tàm tiah tam gùl xã, ala\ hìu tac phan gal cau blơi, lơh geh dùl tiah drà  li la ngan phan tac. Sền go\ ala\ tam gơl bơh [òn lơgar, mò H’ Mbeo, 75 sơnam,  ngoh rngac kah wơl bè dùl rài tam lơh cui rcai ngan, kan kư\ kac màng tiah brê ngài Quảng Sơn:

Tu\ tam lơh a` gam lơh mìr, tùk kòi nàng geh phe ròng  kan bộ. A` mờ 6 na\ kòn gam lơh kòi, pơ\ tơngời tàm mir den rơndeh par gơ par lir wil đang bồ, kòn a` ntoat tus hờ kù ai phào cuh, bol a` dô tàm dà croh. Tu\ hơ\ a` ờ ngòt chơt ờ, mìng  drơng lòt lơh broa\ geh phan sa ròng kan bộ… Tơnơ\ geh tơng klas hìu nha\ a` den kal ke ngan, bơtuah đau geh dà lơgar lơh pà dùl nơm hìu do, rài kis tu\ do neh ờ hoan kal ke pơndrờm mờ lài do. Ur bơklau a` chờ ngan.

Ồng K’ Prak kis tàm [òn Sanar, xã Quảng Sơn ai git,  geh bơta sền gròi bơh Đảng mờ Dà lơgar bơh ala\ broa\ lơh 134, 135, 167, broa\ lơh càn pria\ dong pria\ cồng, broa\ lơh bơt bơtàu [òn lơgar pa… rài kis bơh làng bol tàm do neh bơtàu tơngguh  go\ loh ngan. Làng bol cau M’nông neh git ngui khoa học tàm lơh sa, git tam ua\ chi tam bơrlu\ bal nàng tơngguh cồng nha, tơngguh pria\ geh tàm dùl  ba\ ù lơh sa:

Tu\  do làng bol neh git tam kơphe, tiêu, chi sa plai, ala\ gah, sơnah lơh broa\ neh bơto khoa học kỹ thuật tàm broa\ lơh sa suơn sre bloh, tam chi den pal  tuh phơng, tuh dà, hìu lơi ờ tơl ù lơh sa den kung neh git tam bơrlu\ bal.

Chồl guh bơhìan khin cha jak chài xã khin  cha jak chài Quảng Sơn, ua\ hìu nha\ neh brồ guh lơh pas bơh ù tiah [òn tờm. Bè hìu nha\ bi K’ Thăn, Bí thư Chi đòan [òn Sanar, mờ 700 tờm kơphe, tam bal mờ 200 jrong tơnhàu tiêu mờ 150 tờm plai màk, neh lơh geh hìu nha\ bi in 150 tơlak pria\ cồng tàm nam pa do. Bi K’ Thăn kung gam  kờ` lơh ua\ ngan broa\ lơh sa dong  ơruh pơnu tàm [òn ngui nàng bơtàu tơngguh  lơh sa phan bơna:

Tu\ do làng bol neh git sơng ka sền gàr chi tam, git tuh phơng, bồm sơnơm, 1 lồ  neh tơnhàu geh 2 tus 3 tấn kơphe bloh. Tus do, đòan ơruh pơnu geh ngui ala\ broa\ lơh ndai rlau tai nàng geh tai pria\ jền. Rnàng  bèp ồng rài yau neh ntàu tam lơh geh ngap lơngai dà lơgar in, rnàng ơruh pợu tu\ do pal lơh ngan lơh sa nàng bơtàu tơngguh mpồl bơtìan, nàng slơ ngai slơ hờm ram rlau.

Tu\ do,  xã Quảng Sơn geh rlau 4.800 hìu nha\ làng bol, tàm hơ\ geh tus mơ gùl la cau kòn cau kis bơh yau. Gùt xã geh rlau  10 rbô lồ ù lơh sa, ua\ ngan la tam kơphe, tiêu, bơ, plai màk, cao su mờ pơ ò. Kơnờm geh ngui khoa học kỹ thuật tàm  broa\ lơh sa, rài kis bơh làng bol geh bơtàu tơngguh go\ loh ngan, geh kờp bal tơl na\ cau geh tus 23 tơlak pria\ dùl na\ dùl nam tàm nam 2017. Xã geh 11 hìu bơsram bơh mầm non tus kấp 3. Tus tu\ do,  xã neh lơh geh 9 broa\ lơh bơt bơtàu [òn lơgar pa mờ tàm nam 2018 do, gam lơh ngan lơh  gơs tai 3 broa\ lơh bè bơto bơsram, tiah kis mờ  ờ do ờ da\ [òn lơgar. Ala\ broa\ lơh gam ờ hềt dờng, mơya mùl  màl la cồng nha ai go\ bơta chờ ngan tàm tiah sar lơgar ngài  Quảng Sơn, ngài mờ tam gùl kơnhòal rlau 30 kơi sồ mờ geh gal làng bol kòn cau ơm kis.

Bè broa\ bơtàu tơngguh bơh [òn lơgar, ồng K’ Mbat, Phó Chủ  tịch UBND xã  Quảng Sơn ai git:

 Xã neh geh gùng la pờ ơnàng ala\ broa\ lơh tam tiêu,  kơphe, plai màk, điều, bơ, sầu riêng mờ tam  tai tờm sachi. Xã neh lơh  broa\ lơh sra\  mờ mpồl lơh sa ka\ bro Gia Lai mờ Lâm Đồng nàng tam ua\ tờm sachi. Xã geh pờ ơdu\ bơto pơlam khoa học kỹ thuật, dong kờl phơng tuh,  sơntìl chi tam phan ròng ai làng bol mờ pờ ơnàng ala\ broa\ lơh lài nàng bơtàu tơngguh lơh sa làng bol in.

Pang rùp [òn lơgar tàm ù tiah kan kư\ kac màng Quảng Sơn, càr Dak Nông gam geh ai go\ tam gơl pa. Ala\ cau kòn khin cha jak chài, khin  ngan tàm rài tam lơh yau òr, gam lơh ngan geh ai bơta  lơh gơ kờ` tus rnàng kơnòm sa\ in tàm dơ\ tam dra\ mờ jơgloh rbah, bơrngơl gơla, bơtàu tơngguh lơh sa, pơ gồp bal bơt bơtàu [òn lơgar slơ ngai slơ pas  niam.

            Cau cih Nam Trang, cau mblàng K’ Brọp