VOV4.K’ho - Ala măt Ủy ban Thường vụ Quốc hội, Chủ tịch Quốc hội ồng Vương Đình Huệ pa kĭ ai ngui kơrnoăt sồ 406 bè tơlik ờ uă broă lơh nàng dong kờl mpồl lơh sa kă bro, làng bol gơtìp gơrềng bơh kòp Covid-19.

Kơrnoăt cih loh, tơmù 30% khà tă dia mpồl lơh sa kă bro pal jào tàm nam 2021gơwèt mờ cau tă dia jăt mờ jơnau cih bơh adăt tă dia priă geh mpồl lơh sa kă bro geh khà priă lơh tàm nam 2021 ờ uă ir 200 tơmàn đong mờ priă geh nam 2021 gơmù pơn drờm mờ khà priă geh nam 2019. Ờ tă dia cau dùl nă să, tă dia khà priă gơguh mờ ală bơta dia ndai pal jào gơlik geh bơh broă lơh sa, kă bro bơh ală nhai tàm quý III mờ quý IV nam 2021 gơwèt mờ hìu, cau dùl nă să geh broă lơh sa, kă bro tàm ală kơnhoàl gơrềng bơh kòp Covid-19 tàm nam 2021 geh Chủ tịch UBND càr, ƀòn dờng kĭ kơrnoăt. Kơrnoăt geh ngui bơh ngai 19 nhai 10 nam 2021.

Cau mblàng Ndong Brawl