VOV4.K’ho- Ngai 27/9 tus, Văn phòng Quốc hội pơgồp bal mờ Ủy ban Kinh tế bơh Quốc hội dê bơyai lơh Pơrjum lùp lăp kuang bàng jak chài bè lơh sa- mpồl bơtiàn. Pơrjum geh bơyai lơh mờ jơh bal pơrjum tơn mờ pờ tơlik tơn tàm internet mờ anih tờm tàm Hà Nội mờ bàr pe tiah ndai gùt lơgar dê. Kuang đơng lam dơ̆ pơrjum là ồng Vương Đình Huệ- Chủ tịch Quốc hội mờ ồng Nguyễn Đức Hải- Phó Chủ tịch Quốc hội.

Dơ̆ pơrjum geh tơrgùm tàm 2 broă, sền sơwì bơta gơlik geh bơh drà kă bro priă jền, bơcri prĭa, kă bro gùt plai ù nam 2021, bơta gơlik geh pa ngan rlau jơh bơh lơh sa dunia dê mờ ai tơlik ală jơnau kờp dŭ lài bơta gơrềng tus Việt Nam; sền sơwì bơta gơrềng bơh kòp dờng Covid-19 tus mờ lơh sa, mpồl bơtiàn Việt Nam dê, broă lơh jat broă lơh jŏ jòng cĭt sơnơm vaccine rcang sơndră kòp Covid-19, jơnau bơsram mờng chài tàm broă ai ngui broă lơh, ală jơnau đơs, jơnau dan, gùng dà broă lơh ai Việt Nam in bơh tŭ do tus lồi nam mờ ală nam pơn jat tai bơh tơngai lơh broă Quốc hội khoá 15 dê.

Cau mblàng K’Hạnh