VOV4.K’ho - Pơn jăt tai broă lơh, drim do (03/11), Quốc hội cri bơyai tàm hìu pơrjum dờng bè rơndăp broă adăt tam gơl, bơtơl ờ uă bơta tàm adăt anih lơh broă ala măt lơgar Cộng hòa Xã hội Chủ nghĩa Việt Nam tàm lơgar bơdìh mờ iăt sră yal, jơnau yal lùp sền bè gùng dà broă bơcri priă lơh ờ uă gơl gùng ntoăt răt tàm gơl gùng đah tô – đah jum tàm đah măt tơngai l^k tơngai bơh nam 2017 tus 2020.

Lài mờ hơ\, tàm 2 ngai nggùl cri bơyai bè broă lơh sa mpồl bơtiàn mờ kes priă Dà lơgar, ală kuang bàng đơs là, nam 2017, broă lơh sa lơgar he geh uă tam gơl, geh cồng nha niam tàm ală gah broă lơh, geh làng bol bal mờ cau te\ khà gùt lơgar ring bal.

Tơnguh lơh sa geh khà pràn, lài ngan geh cồng nha kuơ màng, di gơlan khà tơnguh lơh sa geh 6,7%. Mơya, broă lơh sa gam gơbàn ờ ndrờm bal tàm 3 đah, lơh ờ niam tus mờ broă tơnguh bơtàu jo\ jòng.

Hơ\ là, ờ ndrờm bal tàm broă kă bro. Broă blơi phan bơh lơgar bơdìh gam uă. Anih lơh sa kă bro lơh sa gam dềt ờ tơrgùm bal, ờ hềt tus bal tàm drà kă bro phan ală lơgar tàm tiah do.

Cau cih mờ yal tơng^t Ndong Brawl