VOV4.K’ho - Pơn jăt tai pơrjum dơ\ 8, drim do, Quốc hội cri bơyai tàm hìu pơrjum dờng bè ờ uă tơngu me gam geh jơnau đơs ờ ndrờm bal tàm rơndăp broă adăt tam gơl, bơtơl ờ uă bơta tàm adăt bơyai broă Chính phủ mờ adăt bơyai broă gơnoar atbồ ală tiah.

Tàm hơ\, tơrgùm cri bơyai bè broă bơtơl kơrnoăt ai khà anih lơh broă tòm gơwèt UBND càr, kơnhoàl mờ broă crơng gơs ală mpồl lơh broă sră nggal; kơrnoăt geh ai khà biên chế ờ uă ngan, khà kuang bàng đơng lam cấp phó uă ngan bơh cau lam bồ mpồl lơh broă sră nggal, mpồl lơh broă dà lơgar.

Quốc hội ai pơgồp jơnau đơs bè broă tam pà gơnoar, taih cah cấp; ai gơnoar; broă bơyai lơh gơnoar atbồ ală tiah; khà Phó Chủ tịch HĐND càr, Phó kuang atbồ mpồl lơh broă tòm HĐND càr mờ Phó Chủ tịch UBND xã bơta 2, kung bè mpồl dong broă gơnoar atbồ ală tiah.

Cau mblàng Ndong Brawl