VOV4.K’ho- Pơn jat tai broă lơh pơrjum dơ̆ 11, pơrjum tơrgùm bal tàm Anih pơrjum ngai 26/03, Quốc hội neh cribơyai bè jơnau yal broă lơh tơngai lơh broă khoá 14 bơh Quốc hội dê; ală jơnau yal broă lơh tơngai lơh broă khoá 14 bơh Ủy ban Thường vụ Quốc hội, Hội đồng Dân tộc, ală ủy ban bơh Quốc hội dê.

                                                                                                Anih pơrjum

Jơnau đơs tă pơgồp bơh ală Kuang bàng Quốc hội dê đơs nền, sền wơl gùng lòt 5 nam, Quốc hội khoá 14 neh sùm tơnguh uă nùs nhơm lơh broă geh kơnòl, pơnđơl pràn, lơh ngan uă ngan rlau jơh nàng lơh sir jak ngan kơnòl broă.

Tơngai lơh broă Quốc hội khóa 14 neh lơh geh cồng nha mờ ală cồng nha tơl làm ngan đau tàm ală gah broă, bơh crơng gơs adat boh lam, sền gròi, lơh nền broă kuơ màng bơh dà lơgar dê tus lơh broă mờ lơgar ndai nghị viện, pơgồp bơnah lơh dà lơgar in kơ̆ kơl jap cơnđoà sơr lèt gan bơta kal ke, lơh gơlik geh ală bơta tam gơl pa uă ngan, pràn kơl dang ngan tàm rài kis lơh sa mờ mpồl bơtiàn, sền gàr dà lơgar, bơta lơngap lơngai, lơh broă mờ lơgar ndai, tam gơl pa mờ tơnguh uă rài kis ai làng bol in. Ală gùng dà broă lơh bơh Quốc hội dê sùm lơh geh bơh nùs nhơm, bơta kơ̆p kờñ bơh làng bol, bơta kuơ bơh dà lơgar dê mờ bơh jơnau sồr bơtàu tơnguh dà lơgar.

Cau mblàng K’ Hạnh