VOV4.K’ho - Drim òr (21/10), ală kuang bàng Quốc hội neh cri bơyai tàm mpồl bè broă rơndăp lơh tơnguh bơtàu lơh sa mpồl bơtiàn nam 2022 mờ broă rơcang sơndră mờ kòp Covid-19.

Ală kuang bàng đơs niam gùng dà broă lơh di pal mờ ală broă lơh tơl ală bơta mờ di tŭ neh geh lơh jăt tàm tơngai pa do, dong kờl geh ală cồng nha kuơ màng bè: Tus tŭ do, kòp gơtờp neh geh gròi sền tàm gùt lơgar; broă rơcang sơndră mờ kòp gơwèt mờ tơl bơta bơh kòp gơtờp geh ai tơlik mờ sơn đờm tam gơl tus tơngai gơdờp bal niam, gròi sền geh cồng nha kòp gơtờp mờ tơngu me sền gàr niam ngan bơta pràn kơl dang sa jan, màng kis làng bol; uă bơta tơngŏ niam tàm broă brồ guh mờ tơnguh bơtàu lơh sa mpồl bơtiàn; ai dà lơgar tam gơl tus bơta bè ờs pa gờñ ngan di lah gơtùi. Jăt ală kuang bàng đơs, geh 3 bơta tờm geh là bơta pràn tơnguh bơtàu lơh sa mpồl bơtiàn nam 2022, hơ̆ là brồ guh wơl-chồl pràn broă lơh sa kă bro, chồl pràn tăc phan mờ lơgar bơdìh mờ chồl mhar broă bơcri priă dà lơgar nàng hòi jà geh bơta pràn mpồl bơtiàn tơnguh bơtàu ală broă lơh.

Cau mblàng Ndong Brawl