VOV4.K’ho - Ngai do 29 nhai 10, tềng đăp mờ broă đơng lam bơh Chủ tịch Quốc hội mò Nguyễn Thị Kim Ngân, Quốc hội cri bơyai tàm hìu pơrjum dờng bè rơndăp broă kes priă dà lơgar mờ sền wơl broă lơh nggùl tơngai lơh jăt rơndăp broă bơcri priă di mơ tơngai,…

Jăt broă pơrjum, Quốc hội cri bơyai bè cồng nha lơh jăt rơndăp broă kes priă dà lơgar nam 2018; rơndăp broă kes priă dà lơgar bal mờ gùng dà tam pà kes priă dà lơgar nam 2019 mờ rơndăp broă priă jền – kes priă dà lơgar 3 nam bơh nam 2019 tus 2021; tam pà kes priă gam tai mờ priă bơcri sùm ờ hềt geh ngui nam 2017.

Mờ Quốc hội kung cri bơyai, sền wơl nggùl tơngai lơh jăt rơndăp broă bơcri priă dà lơgar di mơ tơngai, priă jền dà lơgar 5 nam bơh nam 2016 tus 2020.

Cau mblàng Ndong Brawl