VOV4.K’ho - Pơn jăt tai broă pơrjum dơ\ 4, ngai òr (30/10), Quốc hội cri bơyai broă lơh jăt broă dong kờl, adăt boh lam bè broă lơh niam wơl khà kuang bàng lơh broă sră nggal dà lơgar tơngai bơh nam 2011 tus 2016.

Geh uă kuang bàng Quốc hội ring bal mờ đơs niam jơnau yal cồng nha sền gròi bè broă do; mblàng lơh loh ală broă gam ờ pràn mờ ai broă lơh jăt tàm tơngai tus.

Kuang bàng Quốc hội sồr Chính phủ sền wơl broă lơh sră nggal adăt boh lam, sồr tam gơl ha là tam gơl jăt gơnoar ală adăt, kơrnoăt sồr, nghị định lơh jăt di gùng dà broă lơh bơh Đảng; lơh di tu\ mờ geh cồng nha ală nghị quyết bơh pơrjum Dà lơgar 6 kơnă 12 mờ broă pơn jăt tai tam gơl pa, rơndăp săp sèng pa broă bơyai lơh, atbồ, tơnguh uă bơta niam, cồng nha broă lơh bơh ală anih lơh broă dà lơgar lơh.

Sền kuơ broă bơ\t bơtàu broă lơh sră nggal tài làng bol, wèt tus [òn lơgar; tơnguh broă tam cah gơnoar, kơnă atbồ, jào gơnoar rơcang lài ală tiah in; pơgồp bal mờ broă sền gròi broă lơh, lơh glài nền nòn ală cau lơi tìs.

Ngai do, Quốc hội pơrjum tàm hìu pơrjum dờng cri bơyai bè broă lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam 2017; gùng dà broă tam pà kes priă dà lơgar nam 2018 mờ rơndăp broă priă jền, kes priă dà lơgar tàm 3 nam tus.

Cau cih mờ yal tơng^t Ndong Brawl