VOV4.K’ho - Tàm ngai 25/10, pơn jăt tai pơrjum quốc hội, ală kuang bàng cri bơyai tàm mpồl bè rơndăp broă Adăt Kă bro bả4o hiểm (tam gơl). Do là rơndăp broă adăt geh kuơ màng tàm drà kă bro priă jền, do kung là gah kă bro geh nùs nhơm krơi is. Kă bro jăt nùs nhơm lơh is ndang, mơya, geh kơrnoăt pal blơi bảo hiểm. Ờ sŭk bè broă tam dră mờ gơnoar geh is, ală jơnau đơs pơgồp bal geh tơlik loh nàng pleh mờ broă anih ai bảo hiểm geh tus bal tơnguh khà priă tă, tơmù khà priă tă gơwèt mờ ală bơta broă lơh.

Pơgồp bal jơnau đơs cri bơyai tàm mpồl, Chủ tịch Quốc hội ồng Vương Đình Huệ đơs niam bơta niam rơndăp broă adăt mờ broă lùp sền. Mờ đơs là, adăt bảo hiểm tam gơl geh bơsong ală bơta kòl, kal ke, chồl pràn drà kă bro bảo hiểm tơnguh bơtàu kơl jăp rơlao. Mơya, Chủ tịch Quốc hội kung sồr tơnkah ờ uă tơngu me pal pơn jăt tai sền wơl nàng tơnguh uă rơlao tai bơta niam rơndăp broă adăt. Tàm hơ̆, broă lơh bal bảo hiểm pal di pal mờ bơta tus do là kă bro tàm tiah số, điện tử, số jơh.

Cau mblàng Ndong Brawl