VOV4.K’ho – Mho òr (24/10), ală kuang bàng Quốc hội lơh broă tàm hìu pơrjum cribơyai bè ờ uă tơngume gam geh jơnau đơs krơi is bơh rơndap lơh Adat sền gàr mờ bơtàu tơnguh brê (tam gơl).

Jat jơnau yal mblàng, cih dờp bơsong rơndap cih adat, ờ uă bơta gam geh jơnau đơs krơi is là jơnau cih bè jàu brê, ai apah brê lơh sa là brê geh is; bè gơnoar tơlik kơrnuat broă lơh tam gơl jơnau kờ` ngui brê gơs jơnau kờ` ndai; bè chính sách bơtàu tơnguh broă tam mờ sền gàr brê mờ gàr tơl niam rài kis cau lơh broă brê in.

Ngai do (25/10), Quốc hội kơlôi sơnơng ringbal broă ai tơn lời at gơnoar broă mờ pồ gơnoar broă Bộ trưởng Bộ Giao thông vận tải mờ Tổng Thanh tra Chính phủ jat ală sră yal bơh Thủ tướng Chính phủ dê.

                                                                  Cau cih mờ yal tơnggit K’Duẩn