VOV4.K’ho – Pơn jat tai pơrjum dơ\ 5, Quốc hội khoá 14, drim òr (31/5), Quốc hội pơrjum gùt mpồl tàm hìu pơrjum, iat jơnau yal đơs lơh loh, cih dờp, bơsong rơndap lơh adat Rơcang sơndră sa kuề, sa kùa (tam gơl) mờ iat jơnau yal sền sơwì rơndap lơh adat do. Mơkung cribơyai bè ờ uă tơngume gam geh jơnau đơs krơi is bơh rơndap lơh adat tam gơl, bơ tơl ờ uă bơta bơh Adat tàp pràn să jan.

Cribơyai bè rơndap lơh Adat tam gơl, bơ tơl ờ uă bơta bơh Adat tàp pràn să jan, ală kuang bàng tơr gùm ai jơnau đơs bè tơngume là tơmut jơnau cih bơto re dà tàm ală hìu bơsram mờ tam kă tàp pràn să jan tàm rơndap lơh adat halà ờ.

 Bè bơta tam kă tàp pràn să jan, ală kuang bàng đơs, do là bơta pa bơh adat tam gơl dơ\ do dê. Broă tam gơl dipal bơta tam kă tàp pràn să jan kờ` sơlơ atbồ, sền gròi kơ\ broă lơh bơh bơta do dê, tơmù dimơ bơta aniai ờ niam tus mờ mpồl bơtiàn, lơh jat jơnau kờ` bè nhơl `o\ bơh dùl bơnah làng bol dê mờ cèng wơl dùl bơnah priă lơh geh ai kes priă dà lơgar in.