VOV4.K’ho- Mờ uă ngan kuang bàng pờ tê ring bal, Quốc hội neh ring bal Rơndăp lơh Adat Sền gàr dà lơgar (tam gơl) mờ pơn jat hơ\ cribơyai bè rơndăp lơh Adat Kảnh sát dà lềng Việt Nam.

Ală kuang bàng đơs là, pal gàr wơl bè ờs bè pháp lệnh nam 2009 cih: Mpồl kảnh sát dà lềng Việt Nam là mpồl sùm lơh kơnòl broă bơh Dà lơgar dê lơh gơnoar broă atbồ bè bơta lơngăp lơngai, rơndăp tăp sèng ờdo ờdă mờ gàr broă lơh jat kơrnoat boh lam lơgar Việt Nam dê mờ jơnau pơrgon dunia dê tàm ală dà lềng mờ bơnah dà lềng rềp kềng ù gờl bơh lơgar Cộng hoà xã hội chủ nghĩa Việt Nam dê.

Rơndăp lơh Adat pal cih loh kảnh sát dà lềng Việt Nam là mpồl phàu crong, gơ wèt Bộ Quốc phòng, bơh bơta đơng lam sùm bơh Quân ủy dà lơgar dê, bơta atbồ bơh Bộ trưởng Bộ Quốc phòng dê.

Cau mblàng Lơ Mu K’Yến