VOV4.K’ho- Pơn jat tai pơrjum dơ\ 9, Quốc hội khoá 14, ngai do 22/5, Quốc hội iăt Jơnau yal bè rơndap lơh adat Cribơyai ring bal dunia; sră yal bè rơndap lơh Broă lơh sền gròi bơh Quốc hội dê nam 2021; sră yal bè rơndap lơh Adat tam gơl; bơtơl bàr pe bơta bơh Adat lơh glài mờ priă.

Kung tàm ngai do, Quốc hội geh cribơyai pờ tơn tam internet bè rơndap lơh Broă lơh bơt bơtàu adat boh lam, kơrnoat boh lam nam 2021, lơh niam wơl Broă lơh bơt bơtàu adat boh lam, kơrnoat boh lam nam 2020. Cribơyai pờ tơn tàm internet bè bàr pe tơngume gam geh jơnau đơs krơi is bơh rơndap lơh bơh Adat tam gơl, bơtơl bàr pe bơta bơh Adat Ai ngui sră nggal gơ rềng tus kơrnoat boh lam dê.

Cau mblàng K’ Hạnh