VOV4.K’ho – Pơn jat tai pơrjum dơ\ 9, Quốc hội khóa 14, Quốc hội cribơyai pờ tơlik tơn tàm internet bè jơnau rơcang cih Nghị quyết bơh Quốc hội dê bè ờ sa pria\ dia ngui ù lơh sa suơn sre.

Bộ trưởng Bộ Tài chính, ồng Đinh Tiến Dũng neh sền sră yal bơh Chính phủ dê pà git: tơn jơh, sền sơ wì 20 nam lam lơh broă lơh ờ sa, tơrmù pria\ dia ngui ù lơh sa suơn sre ai go\, kờp jơh khà pria\ dia ờ sa, geh tơrmù tơngai bơh nam 2003 tus nam 2010 kờp bal pơgap 3 rbô 200 tơmàn đông pah nam; kờp jơh khà pria\ dia ờ sa, geh tơrmù kờp du\ tus jơh nam 2020 pơgap 7 rbô 400 tơmàn đông pah nam.

Broă lơh ờ sa pria\ dia, tơrmù pria\ dia do là broă lơh geh gơ rềng dờng ngan, kươmàng ngan pơgồp bơnah lơh jat gùng dà bơh Đảng mờ dà lơgar dê bè lơh sa suơn sre, cau lơh broă sa, tiah [òn lơgar tàm tơl tu\ tơngai; pơ gồp bơnah dong kờl tơn cau lơh broă sa in, pơn jờng mpồl bal, cau dùl nă să bơcri pria\ tàm gah lơh sa sươn sre, cau lơh broă sa, tiah [òn lơgar… Den tàng, dơ\ do Chính phủ sồr Quốc hội tơlik Nghị quyết nàng pơn jat tai ờ sa pria\ dia ngui ù lơh sa suơn sre tus jơh ngai 31/12/2025.

Cau mblàng K’Duẩn