VOV4.K’ho- Ngai do 25/10, Quốc hội cribơyai pờ tơn tàm internet bè rơndăp lơh Adat tam gơl, bơtơl bàr pe bơta bơh Adat Yal yă lơh tìs glài kŭp jàm, rơndăp lơh Adat tam gơl, bơtơl bàr pe bơta bơh Adat Tơrgùm kờp mờ cribơya tàm mpồl bè rơndăp lơh Adat Kă bro Bảo hiểm (tam gơl). Tàm ngai 24/10, Quốc hội neh cribơyai pờ tơn tàm internet bè ală jơnau yal broă lơh bơh Kuang ătbồ Anih Cah rña dờng ngan rlau jơh dà lơgar, Kuang ătbồ Viện Kiểm sát làng bol dờng ngan rlau jơh dà lơgar; broă lơh rơcăng sơndră cau lơh tìs mờ lơh tìs kơrnoăt boh lam; broă lơh jăt kơrnoăt lơh glài bơh anih cah rña dê; broă lơh rơcăng sơndră sa kuề sa kuà nam 2021; Rơcăng cih Kơrnoăt bè bơyai lơh dơ̆ cah rña pờ tơn tàm internet.

Tơngume geh uă kuang bàng sền gròi cribơyai hơ̆ là bơyai lơh dơ̆ cah rña pờ tơn tàm internet mờ broă lơh rơcăng sơndră sa kuề sa kuà. Uă kuang bàng đơs là, bơta sa kuề sa kuà ờ niam lơh lơngah lơngañ làng bol mờ mpồl lơh sa kă bro in tàm tiah lơh sră pơ àr dà lơgar, drơng broă dà lơgar, kuơmàng tàm broă lơh gah kuang àng, mpồl ling klàng, lơh sơnơm, geh ờ dùl êt nă cau sa kuề sa kuà kơn jơ̆ ngan, pal lùp kơnòl lơh glài kŭp jàm.

Cau mblàng Lơ Mu K’Yến