VOV4.K’ho – Pơn jat tai pơrjum dơ\ 4, Quốc hội kơnă XIV, mho òr 27/10, Quốc hội cribơyai rơndăp broă lơh Adat Phan tàm dà (tam gơl). Ală kuang bàng sồr bơtơl jơnau cih ală broă dong kờl bè dong kờl priă dia, ù tiah, càn priă, bơcri priă lơh ală anih gròi sền, yal lài kòp gơbàn tàm broă tam mờ ròng phan tàm dà; bơcri priă lơh ơhò să lòs pràn, ai phan bơna măy mok jak chài pa ai lòt lơh ka tàm dà lềng ngài in.

Bal mờ hơ\, kờ` pal dong kờl làng bol lơh ka tơnguh jơnhoa jơnau gi\t wa\, bơta chài tàm broă ròng tam phan tàm dà, lòt lơh ka, sền gàr phan tàm dà, dong kờl drơng broă dong kờl broă lơh ka, lơh gơlik phan tàm dà, lơh jat kơnòl broă dong kờl, sền gàr gơnoar tờm ù tiah dà lềng bồt bơlào tu\ geh jơnau aniai tiah ơm kis, tam gơl trồ tiah mờ sền gàr ală bơta phan tàm dà kuơmàng ờ huan geh uă.

Geh jơnau đơs sồr kờp sền wơl jơnau cih bè broă bơh tiah sền gàr dà lềng dê, pleh tàm rơndăp tàm rơndồl mờ jơnau cih bơh adat li la phan kis dê.

Cau cih mờ yal tơngi\t-Lơ Mu K’ Yến