VOV4.K’ho – Pơn jat tai pơrjum dơ\ 5, ngai do, Quốc hội cribơyai bè rơndap lơh Adat rơcang sơndră sa kuề sa kùa (tam gơl) mờ ờ uă tơngume gam geh jơnau đơs krơi is bơh rơndap lơh Adat tam gơl, bơ tơl ờ uă bơta bơh Adat tàp pràn să jan.

Rơndap cih adat Rơcang sơndră sa kuề sa kùa (tam gơl) yal Quốc hội in dơ\ do geh tam gơl kờ` gàr niam bơta lơh jat ngan ngồn, dipal mờ bơta geh ngan, ringbal mờ ală adat boh lam gam geh ngui tu\ do cih bè bơta loh làng, song dơpă tàm mpồl lơh broă mờ broă lơh bơh anih lơh broă, mpồl lơh broă dê; yal loh làng jơnau yal broă lơh rơcang sơndră sa kuề sa kùa; bè phan pà mờ dờp phan pà; tơm priă bơh tài khoản; broă bơsong sa kuề sa kùa geh git go\ bơh broă lơh lùp sền, kờp sền mờ uă tơngume ndai bơh rơndap cih adat boh lam dê.

 Bal mờ hơ\, ờ uă bơta bơh rơndap cih adat boh lam dê gam geh uă jơnau đơs krơi is kờ` pal geh sền sơwì, kơlôi sơnơng nền nòn mờ pơn jat tai dan jơnau đơs Quốc hội dê bè: jơnau cih bè ală bơta đal git jơtài, phan bơna, priă lơh geh; anih lơh broă sền gròi jơtài, phan bơna, priă lơh geh; bè bơsong jơtài, phan bơna, priă lơh geh mùl màl dờng rlau mờ jơtài, phan bơna, priă lơh geh neh yal halà jơtài, phan bơna, priă lơh geh tơguh uă mờ cau yal ờ gơtùi mblàng dùl bă dipal bơh lơi mờ geh jơtài, phan bơna, priă jền gơ lin halà gơguh uă; gơnoar bơh anih lơh broă dà lơgar dê tàm broă lùp sền, sền sơwì bè broă lơh rơcang sơndră sa kuề sa kùa tàm ală tiah lơh broă bơdĩh dà lơgar đơng lam.

            Cau mblàng K’Duẩn