VOV4.K’ho- Mang ngai 16/7, tàm Hìu Quốc hội, Ủy ban Thường vụ Quốc hội mờ Ủy ban Mặt trận dà lơgar Việt Nam pơgồp bal bơyai lơh Pơrjum bè broă lơh bơh Ủy ban Thường vụ Quốc hội mờ Mpồl Chủ tịch Ủy ban Mặt trận dà lơgar Việt Nam. Ồng Vương Đình Huệ- Chủ tịch Quốc hội mờ ồng Đỗ Văn Chiến- Chủ tịch Ủy ban Mặt trận dà lơgar Việt Nam đơng lam bal dơ̆ pơrjum. Tàm pơrjum, ală Kuang bàng neh iăt, kơno ală jơnau yal mờ cribơyai bè broă lơh pơgồp bal đah 2 anih lơh broă tàm tơngai pa do kung bè jơnau đơs bàr pe tơngume nàng tơnguh uă bơta niam lơh broă pơgồp bal tàm tơngai tus.

Đơs pơn dŭt pơrjum, ồng Vương Đình Huệ- Chủ tịch Quốc hội đơs loh, nàng pơn jat tai tơnguh uă cồng nha lơh broă pơgồp bal đah Ủy ban Thường vụ Quốc hội mờ Mpồl Chủ tịch Ủy ban Mặt trận dà lơgar Việt Nam, pơrjum ring bal pal gờñ kơlôi sơnơng nàng pơn jat tai lơh sir adat boh lam bè tĕ khà, gàr niam di pal mờ bơta geh ngan neh geh ai.

Cau mblàng K’Hạnh