VOV4.K’ho - Mờ ua\ ngan kuang bàng pờ tê ring bal, Quốc hội neh ring bal Nghị quyết bè broa\ lơh lơh gơs adat boh lam, pháp lệnh nam 2019, lơh niam wơl broa\ lơh adat boh lam, pháp lệnh nam 2018.

Pơnjat hơ\, geh bơsir tàm broa\ lơh  adat boh lam, pháp lệnh nam 2018, geh ala\ rơndap broa\: Adat bơsir, tam gơl ờ ua\ bơta bơh adat lơh sơnơm,  adat ờ do ờ da\ phan sa, adat rcang sơndra\ aniai bơh jràu chu, adat ồs đèng,  adat dà sơnơm, adat ngui tềm pềr năng lượng mờ cồng nha,  adat khoa học mờ công nghệ, adat kơnòm dềt, adat công chứng,  adat bơcri pria\, adat bơcri pria\ dà lơgar, adat bơt bơtàu mờ adat rơndap tap sèng tiah drà, adat kuang àng làng bol tam gơl, adat tam gơl, bơsir ờ ua\ bơta ala\ adat geh cih gơrềng tus rơndap adat, adat atbồ ta\ dia tam gơl, adat tam gơl, bơsir ờ ua\ bơta bơh adat  bơcri pria\ dà lơgar, nghị quyết bơh Ủy ban Thường vụ quốc hội bè biểu thuế sền gàr tiah kis.

Nghị quyết kung geh kơrnuat ai tơlik bơdĩh broa\ lơh nam 2018 bơh 3 rơndap adat: Adat khà kờp làng bol, adat atbồ bơtàu tơngguh tiah drà, adat kuang àng xã. Broa\ lơh  adat boh lam, pháp lệnh nam 2019 geh 18  rơndap adat, 1 rơndap lơh nghị quyết, mpờl go\ ngan tàm hơ\ geh 3 broa\ lơh adat: Adat lơh broa\ tam gơl, adat kham sơm kòp tam gơl,  adat tam gơl,  bơsir ờ ua\  bơta bơh adat ù tiah.

                                    Cau mblàng  K’ Brọp