VOV4.K’ho - Pơn jăt tai broă lơh, ngai do (01/11), Quốc hội neh mu\t tus ngai lơh broă dơ\ 2 cri bơyai tàm hìu pơrjum dờng bè cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam 2017; rơndăp broă tơnguh bơtàu lơh sa mpồl bơtiàn, khà rơndăp kes priă dà lơgar, gùng dà broă tam pà kes priă dà lơgar nam 2018 mờ rơndăp broă priă jền mờ kes priă dà lơgar 3 nam bơh nam 2018 tus 2020.

Tàm dơ\ cri bơyai mho òr (31/10), ală broă lơh nền nòn kờ` sền gàr brê là 1 tàm ală broă lơh geh uă kuang bàng Quốc hội sền gròi ngan.

Uă jơnau đơs là, Thủ tướng Chính phủ neh sồr tơl mpồng brê hòn is, mơya brê den gam ờ hềt til mpồng. Ală dơ\ mus kơl chi brê pa do tàm ờ uă tiah neh tơngo\ mùl màl ờ geh cồng nha ală kơrnoăt bơh Chính phủ.

Ală kuang bàng sồr pal lơh nền nòn broă til mpồng brê hòn is; lơh glài ală cau mus kơl chi brê, lơh phan geh is ờ geh sră ai lơh, tơnguh cồng nha broă atbồ mờ sền gàr brê; mờ dan geh cơ chế dong kờl lài kờ` chồl pràn broă bơcri priă tơnguh bơtàu ală càr tiah kơh bơnơm; tam gơl bơtơl kơrnoăt bè broă tơm priă sền gàr brê di pal mờ mùl màl tu\ do.

Cau cih mờ yal tơng^t Ndong Brawl