VOV4.K’ho- Pơn jat tai broă lơh pơrjum dơ̆ 11, Quốc hội khoá 14, ngai do 06/4, Quốc hội lơh broă bè tơngume Kuang bàng. Ngan ngồn, tàm ƀùi drim, Quốc hội ai tơn jơh at gơnoar broă Phó Chủ tịch lơgar, bàr pe nă Kuang bàng Ủy ban Thường vụ Quốc hội, Chủ nhiệm bàr pe Ủy ban bơh Quốc hội dê, Tổng thư kĭ Quốc hội, Tổng Kiểm toán Dà lơgar. Tơnơ̆ hơ̆, Chủ tịch lơgar geh yal mat ală cau tơlik mat tĕ khà nàng Quốc hội in pồat gơnoar broă Phó Chủ tịch lơgar; Ủy ban Thường vụ Quốc hội yal mat ală cau tơlik mat tĕ khà nàng Quốc hội in pồ bàr pe nă Kuang bàng Ủy ban Thường vụ Quốc hội.

Ală Kuang bàng Quốc hội geh cribơyai tàm mpồl bè kờp dŭ Kuang bàng nàng pồ Phó Chủ tịch lơgar, bàr pe nă Kuang bàng Ủy ban Thường vụ Quốc hội mờ tàm ƀùi mho geh pồ ală gơnoar broă do mờ broă lơh đùh sră ndơ̆p. Kung tàm dơ̆ lơh broă tàm mho ngai do, Ủy ban Thường vụ Quốc hội yal mat ală cau tơlik mat tĕ khà nàng Quốc hội in  pồ Chủ nhiệm bàr pe Ủy ban bơh Quốc hội dê, Tổng Thư kĭ Quốc hội, Tổng kiểm toán Dà lơgar.

Cau mblàng K’ Hạnh