VOV4.K’ho - Pơnjat tai dơ\ pơrjum dơ\ 5, drim do (26/5), ala\ kuang bàng Quốc hội pơnjat tai cri bơyai tàm hìu pơrjum  bè đơs wơl bơsir cồng nha mut lơh broa\   bơtàu tơngguh lơh sa-mpồl bơtìan mờ pria\ jền dà lơgar. Tàm  drim do,  Bộ trưởng Bộ Lao động, Thương binh mờ Xã hội, Bộ trưởng Bộ công thương mờ Bộ trưởng Bộ Tài chính geh jơnau đơs,  mblàng yal ala\ tơnggu me mờ kuang bàng sền gròi.

Lài hơ\,  ngai òr, cri bơyai bè bơta lơh sa mpồl  bơtìan, ala\ cau kuang đơs tờm: Rùp lơh sa mpồl bơtìan nam  do òr  neh cèng geh bơta pin dờ` ai cau te\ khà mờ làng bol. Bơlah bè hơ\,  ala\ cau kuang  kung  đơs la: nàng ờ gam jơnau ‘’lơh sa sươn sre dong kờl’’, ‘’lơh sa suơn sre dong is’’ kờ` pal tam gơl sơnơng ‘’lơh sa sươn sre’’  wèt tus ròt ala\ gah lơh sa phan bơna. Mơ kung,  geh  jơnau dan mờ Chính phủ, Quốc hội sền gròi bơtàu tơngguh  gơ rờm bal  bơh lơh sa mờ chài rgơi.

Jat rơndap broa\,  mho do,  Quốc hội geh cri bơyai tàm hìu pơrjum bè  rơndap lơh Nghị quyết bè bơsong ờ ua\ bơta gơlik geh tàm đơng lam pria\ jền dà lơgar nam 2017 mờ rơndap pria\ jền dà lơgar nam 2018.

                                                Cau mblàng K’ Brọp