VOV4.K’ ho -  Tàm dơ\ pơrjum  ngai òr (1/11), atbồ  đơng lam Chính phủ neh bal mờ ala\ Bộ trưởng  dơ\ tơl na\  ho jơnau lùp bơh kuang bàng Quốc hội bè ala\ bơta: broa\ lơh  nàng kơryan jơnau yal ờ diơng, ờ niam tàm mạng internet, bơsong bơta lơh ờ ngan cau kòp sơnrang nàng pleh tìs,  atbồ drà  ka\ bro pria\ jền, geh ngui pria\ cồng ai bơh sơnrờp, bơtàu tơngguh jào pria\ mờ điện tử bơh ala\ ngân hàng, bơsong sim sìô sia\, bơsong kơmbuh si bơh ala\ hìu ma\y nhiệt điện,  broa\ lơh geh lơh niam wơl hoàc hươr sra\ ma\y, lơh niam wơl gơbàn tìs bơh tam  pơrlòng bơsram sra\, bơsong bơta  hìu ja\ brê tàm hìu bơsram,  bơsong tơrlah kềng gah dà dờng,  dà lềng,   lơh ala\ broa\ tam dra\ mờ tam gơl trồ tiah, cơ chế gơ hòi cau jak lơh broa\,  broa\ lơh kuang bàng, bơta niam bơto bơsram, ngui bal cồng nha broa\ xét nghiệm gah lơh sơnơm.

Hơ jơnau lùp bơh kuang bàng Quốc hội dê bè kơnòl lơh lam lài mờ kơrnoat tơn jơh at gơnoar broă bơh kuang bàng, công chức tu\ do dê, Phó Thủ tướng Thường trực Chính phủ Trương Hòa Bình pà gi\t: Tơn jơh at gơnoar broă là bơta pa, là broă geh nùs nhơm lơh is dilah kuang bàng geh pồ sền go\ he ờ geh tơl pràn, ờ geh bơngă pin dờn. Jat Phó Thủ tướng, tàm Adat Kuang bàng, công chức geh cih 5 broă lơh glài. Mìng is gơ wèt mờ kuang bàng đơng lam bồ den geh broă lơh ai tơn jơh at gơnoar broă, sồr tơn jơh ai gơnoar broă. Mơya, kơrnoat boh lam tu\ do ờ hềt geh cih loh bè broă tơn jơh at gơnoar. Quốc hội, Chính phủ lơh jat loh làng jơnau sồr bơh Đảng dê tàm ală sră nggal kơrnoat boh lam. Tơn jơh at gơnoar ờ mìng tàm anih lơh broă Chính phủ lơm mờ jơh bal tàm Đảng, ală anih lơh broă chính trị, mpồl lơh broă chính trị mpồl bơtiàn…Tàm broă sền swì broă tơn jơh at gơnoar broă, bơdìh mờ broă geh nùs lơh is, dilah kuang bàng geh broă lơh tìs, đùh sră pin dờn ờ lơh geh den kung gam gơtùi sồr tơn jơh at gơnoar broă sơl jat jơnau cih bơh kơrnoat boh lam dê,  kung gam pal kong kơnòl sơl tềng đap kơrnoat boh lam.

 Ho jơnau lùp bơh kuang bàng bè bơta ngui bal cồng nha xét nghiệm  gah lơh sơnơm. Phó Thủ tướng Vũ Đức Đam đơs tờm: Ngui bal  cồng nha do slơ gờ` slơ niam nàng tềm pềr cau  kòp in. Kuơ màng  rlau la sơm kòp niam rlau. Ồng Vũ Đức Đam ai git,  tu\ pa jào sền jat gah broa\ lơh sơnơm, ồng geh jơnau ai tơnggit, jơnau đơs bè rơndap broa\ pria\ kham, sơm kòp ờ  drờm bal. Pơnjat hơ\,  pria\ sơnơm geh tu\ tơngau geh tus 49%, cồng nha  xét nghiệm  rlau 11%. Dùl tàm ala\ bơta lơh pria\ lời  tus gah xét nghiệm jơnhua la bơh chính sách bè atbồ pria\ jền bơh anih lơh sơnơm, ngan la  trơ gùm tàm mpồl  bơtiàn lơh bal, mùl màl la cau dùl na\ sa\ lơh is, tus mờ broa\ crap ma\y mok xét nghiệm. Đơs tờm broa\ lơh ngui bal bơta xét nghiệm la nàng sơm kòp niam rlau  tai, mờ pal tềm pềr rlau. Phó Thủ tướng ai git,  neh sa\ tờm tus lơh broa\ mờ Bộ Y tế bè broa\ lơh ngui bal cồng nha xét nghiệm.  Ala\  tơngai  mut lơh ngui bal cồng nha xét nghiệm drờm geh tơn ruk lơyah wơl. Mơ kung,  ala\ hìu sơnơm di Bộ Y tế pal lơh lài ờ go\ di la mut lơh tơ lòng.

Cau mblàng K’ Brọp mờ Lơ Mu K' Yến