VOV4.K’ho – Drim òr 23/11, mờ rlau 85% khà sră pồ ringbal, Quốc hội neh ringbal Adat Atbồ dồs dà lơgar (tam gơl). Adat cih dồs dà lơgar, geh: dồs Chính phủ, dồs geh Chính phủ dong kờl mờ dồs gơnoar atbồ tàm [òn lơgar. Dà lơgar atbồ ringbal bè dồs dà lơgar; Sền gròi kơ\ ală khà ờ do ờ dă dồs dà lơgar, gàr niam rài priă jền dà lơgar ờ do ờ dă, kơ\ kơljap mờ gàr niam broă lơh sa dờng; broă sồr, sền sơwì, ki\ gùng dà broă lơh càn priă, cribơyai, ki\ jơnau ringbal càn mờ ngui priă càn pal di jơnau kờ`, geh cồng nha. Gàr niam bơta di pal, kờp tơl dồs dà lơgar.

Loh làng, song dơpă tàm broă atbồ dồs dà lơgar mờ pơgồp bal mờ kơnòl bơh anih lơh broă, mpồl lơh broă, cau dùl nă să geh gơ rềng dê tàm broă atbồ dồs dà lơgar.

Kung tàm ngai òr, cribơyai rơndap lơh Adat sền gàr ngap lơngai tàm internet, ală kuang bàng đơs là, broă cih sền gàr ngap lơngai tàm internet ờ hềt tơr gùm jơh pơrya, sồr bơ tơl cau mờ broă geh sền gàr tàm internet geh: jơnau dơp ndơl dà lơgar, ngap lơngai ờ do ờ dă mpồl bơtiàn, gơ noar mờ bơta kuơ dipal bơh mpồl bal, cau dùl nă să dê.

Ală mpồl lơh sa kă bro lơgar ndai tu\ lơh broă drơng ala viễn thông tàm Việt Nam pal lơh jat adat boh lam, sền dờng màng gơ noar tờm, bơta kuơ ngap lơngai dà lơgar Việt Nam; sền gàr dơp ndơl jơnau tơnggit kòn bơnus.

                                                                   Cau cih mờ yal tơnggit K’Duẩn