VOV4.K’ho – Sơn đờm bơh ngai do 16/11 tus jơh ngai 18/11, Quốc hội geh lời 3 ngai lơh broă sùm nàng lùp ală kuang bàng tàm Chính phủ. Tơngume lùp jơnau bè 4 mpồl bơta là: priă jền, ngân hàng, thông tin mờ truyền thông mờ anih cah rơ`a.

Jat broă lơh, Bộ trưởng Bộ Tài chính, ồng Đinh Tiến Dũng geh hơ jơnau lùp bơh ală kuang bàng Quốc hội dê bè broă lơh atbồ dia, bơsong gơ kòl dồs dia; lùp sền, sền sơwì, rơcang sơndră hoàc huơr tă dia, gàr niam rài priă jền ờ do ờ dă, kơ\ kơljap, atbồ dồs dà lơgar.

Thống đốc Ngân hàng dà lơgar, ồng Lê Minh Hưng geh hơ jơnau lùp bè ală bơta gơ rềng tus đơng pơlam broă lơh priă jền, broă lơh bơh ngân hàng lơh broă ờ geh cồng nha mờ broă lơh ờ do ờ dă ai jơh ală ngân hàng in.

Bộ trưởng Bộ Thông tin mờ Truyền thông, ồng Trương Minh Tuấn dơ\ sơn rờp  geh hơ jơnau lùp tềng đap Quốc hội, hơ ală jơnau lùp bè ngui công nghệ thông tin drơng jơnau kờ` lơh niam wơl sră nggal hành chính, bơt bơtàu Chính phủ điện tử, atbồ sră [au\, ală broă lơh sền gròi jơnau yal tơnggit ờ niam, khih aniai tàm internet.

Kung tàm dơ\ pơrjum do, Kuang atbồ Anih cah rơ`a jơnhua ngan rlau jơh dà lơgar, ồng Nguyễn Hoà Bình geh hơ jơnau lùp bè broă lơh tơnguh cồng nha broă lơh cah rơ`a, mờ tơnguh pràn jak công chức gah anih cah rơ`a kờ` drơng jơnau kờ` lơh niam wơl broă sền gàr mờ bơsong broă lơh tìs kơrnuat boh lam.

Kờp du\ lài mho ngai 18/11, Thủ tướng Nguyễn  Xuân Phúc geh hơ tơn jơnau lùp bơh ală kuang bàng Quốc hội dê.