VOV4.K’ho - Pơn jăt tai broă lơh, ngai do (30/03), Ủy ban Thường vụ Quốc hội yal mờ Quốc hội tơn jơh at gơnoar broă Chủ tịch Quốc hội, Chủ tịch Hội đồng tĕ khà dà lơgar.

Jăt broă lơh drim ngai do 30 nhai 03, pơrjum dơ̆ 11 Quốc hội khoă 14 cri bơyai tàm hìu pơrjum dờng bè ală jơnau yal broă lơh tơngai bơh nam 2016 tus 2021 bơh Anih cah rơña làng bol dờng rơlao jơh, Anih sền gròi ai ngui kơrnoăt boh lam dờng rơlao jơh.

Mho do ngai 30 nhai 03, ală kuang bàng Quốc hội cri bơyai tàm Mpồl bè broă tơn jơh at gơnoar broă Chủ tịch Quốc hội, Chủ tịch Hội đồng tĕ khà dà lơgar; pờ tê ring bal adăt rơcang sơndră mờ ma tuý (tam gơl). Ủy ban Thường vụ Quốc hội yal mờ Quốc hội cồng nha cri bơyai tàm Mpồl mờ mblàng, iăt jơnau đơs bơh kuang bàng Quốc hội bè broă tơn jơh at gơnoar broă Chủ tịch Quốc hội, Chủ tịch Hội đồng tĕ khà dà lơgar. Quốc hội tơn jơh at gơnoar broă Chủ tịch Quốc hội, Chủ tịch Hội đồng tĕ khà dà lơgar mờ broă đùh sră ndơ̆p.

Kung tàm mho ngai do 30 nhai 03, Quốc hội geh cri bơyai tàm Mpồl bè rơndăp broă kuang bàng nàng pồ Chủ tịch Quốc hội, Chủ tịch Hội đồng tĕ khà dà lơgar.

Cau mblàng Ndong Brawl