VOV4.K’ho - Mho òr (02/04), mờ geh uă ngan khà kuang bàng ring bal, Quốc hội neh pờ tê ring bal Nghị quyết bè broă tơn jơh gơnoar broă Chủ tịch lơgar Cộng hoà Xã hội Chủ nghĩa Việt Nam gơwèt mờ ồng Nguyễn Phú Trọng.

Nghị quyết geh Quốc hội ring bal kơrnoăt: Tơn jơh gơnoar broă Chủ tịch lơgar Cộng hòa xã hội Chủ nghĩa Việt Nam tơngai lơh broă bơh nam 2016 tus 2021 gơwèt mờ ồng Nguyễn Phú Trọng. Nghị quyết geh ngui bơh tŭ Quốc hội pồ geh Chủ tịch lơgar pa. Tàm tơngai lơh broă să tờm dê, Chủ tịch lơgar ồng Nguyễn Phú Trọng sền gròi ngan tus mờ broă đơng lam, lam sồr broă bơ̆t bơtàu Đảng, bơ̆t bơtàu chính trị kloh niam, pràn kơl dang, mờ lơh ngan, lơh sùm tàm broă tam dră mờ sa kuề sa koà, hoàc huơr, ờ niam.

Kung tàm mho òr (02/04), Uỷ ban Thường vụ Quốc hội neh yal khà măt geh yal tơlĭk nàng Quốc hội pồ Chủ tịch lơgar. Pơn jăt mờ hơ̆, ală kuang bàng cri bơyai tàm mpồl bè broă kờp dŭ kuang bàng nàng pồ Chủ tịch lơgar.

Cau mblàng Ndong Brawl