VOV4.K’ho- Mờ rlau 85% kuang bàng pờ tê ring bal, drim òr 11/6, Quốc hội neh pờ tê tam gơl tơngai ring bal rơndăp lơh Adat Tiah hành chính- lơh sa krơi is bơh pơrjum dơ\ 5 tus pơrjum dơ\ 6 (lồi nam 2018). Đơs tàm dơ\ pơrjum, mò Nguyễn Thị Kim Ngân, Chủ tịch Quốc hội hòi jà làng bol tàm gùt lơgar pal kơ\ nùs pin dờn tàm bơta lơh nền bơh Đảng mờ Dà lơgar dê.

Quốc hội sùm iat kơno jơnau đơs tă pơgồp bơh làng bol dê. Mơkung hòi jà tơl nă kuang bàng Quốc hội tơngo\ kơnòl tàm broă đơs jơnau boh bơr bè ală broă gam geh cribơyai.

Mò Nguyễn Thị Kim Ngân pà gi\t, dilah di là Rơcang cih Adat tiah hành chính- lơh sa krơi is geh cribơyai mờ ring bal tàm dơ\ pơrjum do jat broă lơh bơh sơnrờp. Mơya, Quốc hội sền go\ bơta kờ` ngan pal ơm wơl nàng iat kơno tai jơnau đơs bơh làng bol dê, nàng sền go\ geh kơnòl bơh tơl nă kuang bàng Quốc hội dê, cau te\ khà tu\ cribơyai, đơs bè ală broă làng bol mờ mpồl bơtiàn sền gròi.

Cau mblàng Lơ Mu K’Yến