VOV4.K’ho- Pơn jat tai dơ̆ pơrjum nisơna, drim do ngai 06/01, tàm 10 mpồl tàm hìu lơh broă Quôk hội mờ 62 mpồl tàm càr, ƀòn dờng, ală kwang bàng Quôk hội cribơyai bè Adat tam gơl, bơtơl 2, 3 bơta bơh adat bơcrri priă dà lơgar, Adat bơcri priă jat broă lơh bal đah dà lơgar mờ cau dùl nă să is, Adat bơcri priă, Adat cok khà priă, Adat ồs đèng, Adat mpồl lơh sa kă bro, Adat dia ngui phan kuơmàng, Adat lơh jat kơrnuat lơh glài dân sự.

Broă tam gơl, bơ tơl 2, 3 bơta bơh 8 adat boh lam dê nàng kờñ lơh gơs thể cế tơl làm ală gùng dà, broă lơh bơh Đảng dê mờ di tŭ bơsong ală kal ke, kòl yan gơlik geh tàm bơta geh ngan. Mho do ală kwang bàng kung cribơyai tàm mpồl bè: Gùng dà bơcri priă Rơndap broă lơh gùng rơndeh ntoat rat tiah đah tô- tiah đah jum hờ tiah đah mat tơngai lik tơngai bơh nam 2021 tus nam 2025 mờ Jơnau rơcang cih Nghị quyết lam lơh tơrlòng lài 2, 3 kơ cế, broă lơh krơi is bơtàu tơnguh ƀòn dờng Cần Thơ

Cau mblàng K’Duẩn