VOV4.K’ho-Ồng Trần Đại Quang, Chủ tịch lơgar neh lòt ngài mơya tàm bồ tơngoh kah wơl bơh làng bol dê kung gam kah sùm bè rùp rài bơh dùl nă kuang đơng lam bồ geh rài kis nùs nhơm sơrmah sơrmài, rềp mềl ngan mờ làng bol, đềt mềr lùp còp hìu bơnhă chính sách, rài kis kal ke, geh nùs nhơm niam mờ cau oh mi bal, cau lơh broă bal mờ gơ\p bơyô.

Mờ ù tiah [òn tờm mè bèp dê, làng bol Ninh Bình pơ`ìơ să ngan mờ chờ hờp ngan bè cau kòn jak chài ngan niam nùs ngan bơh [òn lơgar dê sùm wil tơl nùs nhơm broă lơh niam.

          Ồng Trần Đại Quang, Chủ tịch lơgar deh mờ dờng tàm xã Quang Thiện, kơnhòal Kim Sơn, càr Ninh Bình. {òn lơgar gơcèng bơta niam bơne\ lơngăp lơngai bal mờ ală brê bơnơm ngơr bam dà lềng gơ lă jòng ngan, ală ù bo\ bil ngơr bam dà lềng, [làng gơ bồr ù, dà dờng gơ hòr tus dà lềng…

Kung bè gi\t nđờ nă làng bol Việt Nam sơl, nùs nhơm kah tus [òn tờm, ồng Trần Đại Quang, Chủ tịch lơgar kung gam kah sùm bè [òn lơgar r[ah ù tiah rềp kềng gah dà lềng, ai lơh nđàc sơngit ngan làng bol ngai pah ngai gơtìp tơngai jroh tơngai sa bòl glar lơh broă tàm ală sươn sre ngơr bam dà lềng.

Bè cau kòn lòt ngài [òn jo\ ngai hơ\ sồng tìp, ku\p tê `o\ chờ hờp, boh bơr `o\ nhơl chờ hờp mờ làng bol, ồng Trần Đại Quang, Chủ tịch lơgar jơh nùs jơh tồr còp să lùp còp pràn kơldang să jan, lùp còp bè broă lơh sươn sre làng bol gơ\p [òn dê, rài kis pơndềt să mờ gơlơh rềl mềl ngan mờ làng bol. Bí thư Đảng ủy xã Quang Thiện, ồng Nguyễn Công Uẩn yal wơl.

Pah dơ\ Chủ tịch lơgar rê còp [òn tờm, gơlơh pơndềt să ngan, ờ go\ geh cau sền gàr halà rơndeh rơndồ lòt jat bal lòt jun lòt rò ờ. Wa mù bơh rơndeh tìp ồng mò kra sơrbac mhar ku\p tê còp să lài. Tơnơ\ hơ\ sồng mu\t tàm hìu pơrjum jơh nùs ngan bè là gam ơm kis bal mờ làng bol tàm [òn lơgar. Ngan den tàng bè hơ\ lơh geh bơta rềp mềl kờ` gơboh ngan bơh Chủ tịch lơgar dê mờ [òn lơgar.

Rùp să ồng Trần Đại Quang, Chủ tịch lơgar rê còp ală cau pơgru lài do mờ nùs nhơm gi\t ưn ngài uă ngan bơh cau kơnòm bơsram sền dờng màng cau pơgru, mờ bơsram jak dê, gi\t ưn ngài ngan dà kơlhề bơto yal wơl jơnau gi\t wa\ jak chài neh dong lơh geh jơnau kơ\p kờ` nàng dờng gơ gơs jak chài tơnơ\ do.

Gơ wèt mờ ală cau ling kòp tê jê să kung gam kah sùm sơl dơ\ ku\p tê niam bơne\ ngan bơh ồng Trần Đại Quang, Chủ tịch lơgar dê đềt mềr còp să, pơndờm pơnđiang sồr lơh ngan sơm kòp niam nàng sơrlèt gan kal ke, bơta kòp tê jê să pơđơl pràn tàm rài kis.

Tu\ do, uă hìu làng bol tàm Kim Sơn neh klàs r[ah, geh hìu niam đam hàng kơnờm bơh dong kờl jơh nùs mờ dờng màng ngan bơh Đại tướng Trần Đại Quang dê. Ồng Phạm Công Trình, ơm tàm xã Ân Hòa, kah wơl.

Làng bol Kim Sơn bol a` pơ`ìơ să mờ chờ hờp ngan, uă cau neh gơ hòr dà mat. Wa rê còp jơh nùs ngan, sền gròi ngan [òn lơgar tờm. A` jat sền den jơh dùl rài kis tài kăc màng tài dà lơgar, lơh broă tus dì tu\ chơ\t tơn. Wa kờ` gơboh mờ sền gròi ngan tus [òn lơgar niam bơne\, bơtàu tơnguh rlau.

Tu\ rê còp, wa Quang geh đơs bè do, a` là Chủ tịch lơgar gam pal sền gròi ai làng bol, ai dà lơgar in, kơ\p kờ` [òn lơgar niam bơne\ rlau, rài kis làng bol dê lơh sa geh bơtàu tơnguh rlau, làng bol geh hờm ram, lơngăp lơngai. Niam ngan, là cau wil tơl ngan .

Tu\ gam lơh Bộ trưởng Bộ Kuang àng mờ tơnơ\ do lơh Chủ tịch lơgar, ồng Trần Đại Quang, Chủ tịch lơgar sùm đơs sùm nting tơngkah ală kuang bàng cau ling pal geh nùs nhơm drơng broă làng bol in mờ boh bơr gi\t jơnau tàm tu\ lơh kơnòl broă.

Tàm cơldu\ lơh broă bơh Đại tá Đinh Ngọc Khoa, Phó Giám đốc Kuang àng càr Ninh Bình dê, geh 2 pang sră bơh Đại tướng Trần Đại Quang dê cih bè 6 bơta Bác Hồ bơto sồr Kuang àng làng bol, sùm geh ơn tàm anih dờng màng ngan rlau jơh.

Hơ\ là pang sră Bơta chài boh bơr tàm Kuang àng làng bol mờ pang sră dơ\ 2 là Làng bol là jơnau bơh sơnrờp bơta pràn tàm broă lơh sền gàr lơngăp lơngai rơndăp tăp sèng.

Đại tá Đinh Ngọc Khoa yal: Chủ tịch lơgar, ồng Trần Đại Quang sền gròi tus tơl nă oh mi lơh kơnòl broă kal ke, bòl glar geh rài kis kal ke. Kuơmàng là ală cau tu\ lơi kung rơcang phi să tài broă lơh sền gàr lơngăp lơngai rơndăp tăp sèng, bơta chờ hờp gơboh gơbài bơh làng bol dê.

        Gơlơh bè Wa bơngă ngan bơh cau kuang đơng lam bồ dà lơgar dê mơya kung gơlơh bè rềp mềl ngan geh bal mờ ală kuang bàng cau ling ờ so ờ do ờdă, boh bơr gơlơh pơndềt să ngan ờ go\ geh bơta tam cah.

Tu\ tus tu\ jiơ ơm rlô, wa lik đah bơdìh hìu boh bơr, ku\p tê mờ binh nhất, binh nhì còp bè hìu bơnhă, pơ ùr oh kòn, còp ơm [òn lơi. Wa neh lời wơl nùs nhơm jrô ơnàng ngan rlau jơh jơh nùs ngan mờ Kuang àng Ninh Bình.

{òn lơgar r[ah Kim Sơn lài do dong cơ`đoà jơng lòt bơh kơnòm bơsram tơryang tơryồng bơsram sră dê, den tu\ do ai tê wa\ rò cau kòn jak ngan- ồng Trần Đại Quang, Chủ tịch lơgar bi\c lơngai sùm tàm dơlam ù tiah mè. Ồng Hoàng Văn Thắng, Phó Bí thư Huyện ủy Kim Sơn, đơs.

Chủ tịch lơgar Trần Đại Quang chơ\t là ơta roh rui hoàc hươr dờng ngan bơh [òn lơgar, dà lơgar dê. Nùs nhơm bơh Chủ tịch dê lời ai [òn lơgar in den làng bol Kim Sơn ờ gơtùi hi\u ờ.

Jơnau kơ\p kờ` bơh hìu bơnhă dê mơkung là jơnau kơ\p kờ` bal bơh Đảng bộ, gơnoar atbồ, làng bol kơnhoàl Kim Sơn kơ\p kờ` ngan geh wa\ rò wa rê hờ [òn tờm ơm bi\c lơngai lơngò mơkung ngan là nàng làng bol Kim Sơn in geh tu\ lòt còp ies sùm mờ kah rơngal wơl nùs nhơm bơh Chủ tịch lơgar dê lời ai [òn lơgar in.

Bè hơ\ là gi\t nđờ tu\ tơngai jo\ jòng lòt lơh broă tàm tiah ngài, cau kòn jak chài ngan bơh [òn lơgar Ninh Bình dê rê wơl mờ ù tiah mè. Kơnhoàl ù tiah kah yau ù tiah ndu gơnrơh, cau khin cha jak chài mờ càr lơgar yau Hoa Lư pơnrơ ngan dùl tu\ tơngai kung gam pơneh sùm dà kơlhề dờng ngan bơh bơtau Đinh Tiên Hoàng dê.

Kim Sơn tu\ do neh tam gơl uă ngan ờ gam tai là [òn lơgar r[ah bòl glar kal ke tàm tơngai bòl glar kal ke Doanh điền [òn Nguyễn Công Trứ dê mờ gơlơh pơ`ìơ să ngan chờ hờp ngan cau kòn [òn lơgar tờm- ồng Trần Đại Quang, Chủ tịch lơgar.

Ơm bi\c lơhă lơngai lơngò tàm kơnhoàl ù tiah lơngăp lơngai, cau kòn jak chài ngan geh ù tiah mè pơnđiang mờ săp ntas nsừc dà lềng, càl khồm mrềt niam bơh hiòng dà dờng Ân mờ geh ơm niam tàm goàng tê kờ` gơboh kòn bơnus bơh làng bol kơnhoàl ù tiah lơbơn niam, git jơnau, kah rơngal cau đơng lam bồ dà lơgar bềng nùs nhơm jrô ơnàng mờ [òn lơgar tờm.

Cau mblàng Lơ Mu K’Yến