VOV4.K’ho- Binh đoàn 15 dùl tàm ală mpồl lơh broă tờm ngan bè lơh sa pơgồp bal mờ sền gàr dà lơgar tiah nhàr lơgar Tây Nguyên dê. Do kung là dùl tàm mpồl lơh broă geh khà cau lơh broă mờ kông nhân uă ngan rlau jơh tàm tiah do dê mờ rlau 17 rbô nă cau. Broă lơh bơh mpồl Kông đoàn ală cấp tàm Binh đoàn ală nam pa do neh lơh geh cồng nha niam ngan.

Ùr bơklau bi Siu Thái mờ  Ksor H’Mèn là dùl tàm ală hìu bơnhă geh rài kis kal ke tàm Đội 11, Kông ty 72, Binh đoàn 15 dê. Uă nam do, hìu bơnhă bi Thái ơm tàm hìu sèt mìu `nhat. G^t rài kis kal ke bi dê, mpồl Kông đoàn pơgồp bal mờ Mpồl cau ùr tàm Kông ty 72 neh dong kờl 50 tơlak priă nàng bi Thái in lơh hìu ơm pa. Bal mờ bơta dong kờl bơh tàm oh mi, cau tàm jơi nòi, làng bol rềp hìu tàm [òn bal, bi Thái neh lơh dùl nơm hìu ơm kơ\ kơl jap, ơnàng rlau 80 thơk vuông. Do là bơta chờ hờp dờng ngan tàm hìu bơnhă bi dê. Bi Siu Thái đơs :

“ Hìu bơnă a` chờ ngan, chờ  tài bơh geh mpồl lơh broă, kông ty neh dong kờl ùr bơklau a` lơh dùl nơm hìu ơm. Geh hìu ơm bè do hìu bơnhă a` ưn ngài kông ty mờ Đội 11 neh dong kờl. Kơp kờ` là kông ty sùm sền gròi tus ală hìu bơnhă kal ke ndai tàm [òn”

 Bơh nam 2012 kes priă “ Hìu ơm kông đoàn” , “ Hìu ơm bơta nđàc” geh Kông đoàn Kông ty 72 dê pơgồp bal mờ ală mpồl cau bal bè Mpồl tam klăc cau ùr, mpồl ơruh pơnu tàm kông ty lam lơh. Tus tu\ do, 21 tàm 21 mpồl tờm mờ mpồl lơh sa bơh kông ty dê ndrờm kung gam sền gàr niam ală broă lơh do mờ kờp jơh khà priă tă pơgồp neh gơguh tus rlau 3 tơmàn 600 tơlak. Bơh hơ\, neh dong kờl nàng lơh 81 nơm hìu ơm ai ală hìu bơnhă kông nhân in mờ khà dong kờl bơh 40 tus 50 tơlak priă tàm dùl nơm hìu.

Đại uý Phan Thị Sao, Chủ tịch Mpồl cau ùr Kông ty 72, Binh đoàn 15, pà g^t bè broă lơh hòi jà tă pơgồp bal kes priă bơh đoàn viên cau ùr tàm kông ty dê:

“Mìng mờ broă lơh lam sồr jà ală oh mi tềm pềr 10 rơbô đông tàm dùl nhai, khà priă ờ uă mơ ya tềm pềr sùm jơh 12 nhai tàm nam bal mờ 1 rơbô 431 nă đoàn viên cau ùr dê den geh tềm pềr pah nam mờ khà priă gơguh uă ngan. Tàm broă dong kờl lơh hìu ơm den mpồl tu\ lơi kung sền gròi uă tàm ală hìu bơnhă kal ke làng bol kòn cau”.

Bal mờ kông nhân, cau lơh broă ală mpồl gơ wèt Binh đoàn 15, kung sùm sền gròi tus ală hìu bơnhă geh rài kis kal ke tàm ală [òn tàm tiah nhàr lơgar, tiah ală mpồl lơh broă lơh jat kơnòl broă lơh sa mờ sền gàr lơngap lơngai dà lơgar.

Hìu bơnhă ồng Rmah Phái mờ pơ ùr là mò Rlan Hphyem, ơm tàm [òn Sung Le 2, xã Ia Kla, kơnhoàl Đức Cơ, càr Gia Lai, kung pa geh Kông đoàn Kông ty 74, Binh đoàn 15, pơgồp bal mờ gơnoar atbồ [òn lơgar tàm tiah do dong kờl lơh hìu ơnàng 80 thơk vuông. Ồng Rmah Phái ngoh rơngac tu\ geh ơm tàm hìu pa niam mờ kơ\ kơl jap ala mờ hìu pơnìr tìm mờ za mờ hìu bơnhă ồng dê neh ơm g^t nđờ jơ\t nam do.

“A` dan ưn ngài Binh đoàn 15, Kông ty 74. A` ngoh rơngac ngan mờ bơta dong kờl do. Tu\ do, a` geh hìu ơm bơta nđàc niam ngan. A` ưn ngài ngan.

Tàm [òn Sơ, xã Ia Me, kơnhoàl tiah nhà lơgar Cư\ Prông, kung bơh priă tă pơgồp bal bơh đoàn viên Kông đoàn, Kông ty Bình Dương, Binh đoàn 15, neh lơh hìu ơm ai hìu bơnhă bi Kpă Luar in geh hìu ơm pa niam. Lài hơ\, hìu bơnhă bi Luar dê gơbàn ồs sa jơh, ờ geh hìu ơm tai. Kông ty Bình Dương neh mhar ngan pơgồp bal mờ gơnoar atbồ [òn lơgar tàm do nàng dong kờl gơ` ngan rlau jơh kờ` dong bi Luar in geh hìu ơm mơ. Chờ hờp tu\ geh ơm tàm hìu pa, bi Kpă Luar đơs:

“ Hìu  a` gơbàn ồs sa tu\ trồ ngai, den ờ geh hìu ơm. Hìu bơnhă bol a` dan ưn ngài Kông ty Bình Dương neh lơh hìu pà hìu bơnhă bol a` in. Bol a` chờ hờp ngan, dan ưn ngài. Hìu bơnhă bol a` geh lơh ngan lơh sa nàng bơtàu tơnguh lơh sa”.

“Hìu ơm Công đoàn”, “hìu ơm bơta nđàc” là ală broă lơh mùl màl mờ ngan ngồn bơh Kông đoàn dê tàm ală mpồl lơh broă gơ wèt mờ  Binh đoàn 15, dong kờl kơ\ kơljap mờ  bơtàu tơnguh niam rài kis kông nhân mờ cau lơh broă  bal mờ làng bol tàm ală [òn tàm tiah nhàr lơgar.

Cau mblàng K’ Hạnh