VOV4.K’ho - Tơnơ\ mờr 2 nhai càl rbut dờng sồ 12 lơh aniai tiah pôs đồng kac màng Yang Mao, kơnhoàl Krông Bông, càr Daklak, mờ bơta dong kờl di tu\ bơh gơnoar atbồ tàm [òn lơgar mờ gah lơh broă geh gơnoar dê, kung bè bơta tam pà, dong kờl bal bơh mpồl bơtiàn dê, rài kis tàm do gam hời rơ hời bè ờs wơl mờ bơtàu tơnguh wơl. Bulah ờ hềt jơh kal ke, mơya làng bol xã Yang Mao kung go\ gơ lơh ram nùs, pin dờn wă rò nam pa 2018 mờ uă bơta kơp kờ` pa. Jơnau do ngai do, bol a` yal bè broă lơh ngan bơh Gah đơng lam ling klàng càr Daklak dê dong làng bol tiah gơtìp càl rbut dờng lơh aniai Yang Mao gàr niam wơl rài kis, nàng git bè nùs nhơm tam klac bal mờ rài kis pràn kơldang tàm ù tiah kac màng do:

Ngai lồi nam 2017, tu\ tus wơl xã Yang Mao, kơnhoàl Krông Bông, càr Daklak, ală hìu pa lơh kơ\ kơljap bơrlu\ bal mờ ală rơkàng hìu tìm mờ sơ lo gơ mpờl tàm bơta àng gơ grà mattơngai dê, gam lơh gơs bơta pràn kis pa tàm tiah gơtìp càl rbut dờng lơh aniai do. Se\ mut tàm hìu bơnhă bi ùr H’Thu Niê, ơm tàm [òn Tar, xã Yang Mao, tu\ jơh hìu bơnhă gam ơm `ggui gùt dar bơnhă ồs hơ đang hìu hơđang ram mhu\ pa geh mpồl ling lơh wơl tơnơ\ mờ tu\ càl rbut dờng lơh aniai. Bi ùr H’Thu Niê yal, pơgap mờ do ờ hềt tus 2 nhai, git nđờ jơt nơm hìu tàm Yang Mao neh gơtìp càl rbut dờng sồ 12 lơh tơrlah tơr lơm jơh, phan tam, phan ròng gơtìp hoàc huơr kơn jơ\ ngan tài bơh càl rbut dờng lơh aniai, dùl dơ\ càl rbut dờng ni sơna bè neh jo\ ngan hơ\ sồng lơh aniai kơn jơ\ bè hơ\ tus ù tiah Tây Nguyên dê tàm tơngai lồi nam 2017. Mơya tàm bơta kal ke hơ\ den cèng bềng nùs nhơm tam klac bal tu\ tàm bơta càl rbut lơh aniai mờ kuơ màng, là tơ nơ\ mờ tu\ càl rbut dờng lơh aniai ală kơnă gơ noar atbồ, ală mpồl bal, mpồl ling mờ ală cau geh nùs  nhơm niam neh dong kờl phan sa di tu\, den tàng ờ geh cau lơi gơtìp jơgloh. Gơwèt mờ hìu nhă bi ùr H’Thu Niê, geh ală broă lơh dong kờl cau mờ broă lơh tài cau r[ah dong kờl 3 nơm kơn rồ me, den tàng bi ùr chờ hờp ngan, lơh ngan nam pa geh rài kis bơtàu tơnguh rlau mờ lài: “Hìu a` dê pa do geh nđờ nă cau ling tus lơh wơl. Sa tềp neh mờr tus, hìu đam niam bè do den chờ hờp ngan; hìu nhă lơi kung chờ hờp lơm. Pa do geh kơnrồ me dong kờl hìu nhă r[ah in 2 nơm, 10 ngai do kung geh dong kờl 1 nơm kơnrồ me tai, kờp jơh là 3 nơm. Mut tus nam pa a` kung lơh ngan tam bùm blàng, lơh sre, tam tơngời hơ\ sồng hời rơ hời lơh wơl hìu pa.”

H’Thu Niê dê geh mpồl ling lơh niam wơl

Kung bè hìu nhă bi ùr H’Thu Niê, hìu ồng Y Bhiông Niê, kra [òn [òn Tar, xã Yang Mao gơtìp càl rbut dờng sồ 12 lơh tơrlah jơh tơn, mơya ồng Y Bhiông Niê kung gam tus tơl hìu bơnhă lùp còp, lam sồr ơruh pơnu pơs wàs, pơn jờng làng bol mhar gàr bè ờs wơl rài kis. Là cau ling yau geh màng mờ dà lơgar, rài kis kal ke, den tàng ồng geh Gah đơng lam ling klàng càr Daklak dong kờl 70 tơlak priă nàng lơh wơl hìu tơnơ\ mờ tu\ gơtìp càl rbut dờng lơh aniai. Tàm hìu kù lơh ing, kơp hìu pa lơh gơs, phan bơna khat bè ơn ngan, mơya ồng Y Bhiông Niê kung gam lời dùl bă tiah dềt nàng yồng rùp Bác Hồ mờ Đại tướng Võ Nguyên Gíap dê dùl bă ki ngàm ngan, tơngkah nùs nhơm tam klac bal, bơta brồ guh mờ bơta pin dờn sơr lèt gan kal ke: “Hìu đam tơrlah jơh tơn, den geh cau ling dong lơh wơl, lơh ngan lơh jơh lài mờ sa tềp. A` tus tơl hìu làng bol, lam sồr làng bol ba` moat jrùm tai, ba` kơlôi rơcang uă, pal lơh wơl. Bè lơh sa den cau lơi geh suơn kơphe den bồr wơl tờm. Cau lơi ờ hềt geh hìu den lơh wơl, cau ling dong he, dong kờl bè hơ\ là neh uă bloh, mơya he kung pal lơh ngan lơh uă rlau tai.”

Hìu ồng Y Bhiông Niê dê

Jat tơr gùm kờp bơh UBND xã Yang Mao, kơnhoàl Krông Bông dê, càl rbut dờng sồ 12 neh lơh tơrlah jơh 106 nơm hìu mờ rlau 450 nơm hìu gơtìp pồ rơkàng. Rlau 200 lồ chi tam ală bơta gơtìp sang gời jơh. Kờp jơh hoàc huơr tàm xã Yang Mao rlau 40 tơmàn priă. Ồng Trần Thế Hưởng – Công chức Văn phòng Thống kê xã Yang Mao pà git, mờr 1 nhai do, làng bol tàm xã neh dờp geh bơta dong kờl uă ngan bơh chính sách dà lơgar dê kung bè bơta dong kờl bơh ală mpồl bal tàm mpồl bơtìan dê, mờ bơta dong kờl kờp tus rlau 3 tơmàn priă: “Tơnơ\ mờ tu\ klo yal, den ală mpồl bal neh geh uă ngan bơta dong kờl, ờ mìng dong kờl mờ priă, mờ gam pơn jờng nùs nhơm tai. Hơ\ là bơta pơn jờng dờng ngan nàng bơsong jơnau gơ lời wơl, bơtàu tơnguh wơl lơh sa. Geh ală mpồl den dong kờl priă, ală phan ngui kuơ màng, uă ngan. Jat tơr gùm kòp, kờp jơh bơta dong kờl mờ priă, phan bơna rlau 3 tơmàn priă. Ală mpồl lơh broă niam tus dong kờl sơ lo, ngai lơh hìu, khi dong tơn lơh niam wơl hìu đam làng bol in.”

{òn Tar geh ring lơngai wơl

Bơdĩh mờ ală mpồl tờm ngan bè mpồl ling, Đoàn ơruh pơnu, mpồl lơh broă niam dong kờl is “Guàng tê kờ` gơboh” tàm [òn dờng Buôn Ma Thuột neh bơyai lơh uă dơ\ tus kơnhoàl Krông Bông, dong làng bol bơsong jơnau gơ lời wơl bơh càl rbut dờng sồ 12 lơh aniai. Mpồl neh lam sồr ală cau geh nùs nhơm niam tàm càr mờ bơdĩh càr dong kờl geh rlau 70 tơlak priă; blơi phan lơh hìu, lòs, sơlo ờ duh. Mơkung sồr 50 nă cau lơh broă dong kờl is cèng ală phan bơna, mai\ mok tus 2 xã ngài là Yang Mao mờ Cư Pui nàng lơh pa mờ tìm wơl sơ lo hìu ai 9 hìu bơnhă làng bol kòn cau geh rài kis uă kal ke in. Ngoh rơngac tài geh mpồl ơruh pơnu dong kờl 120 thơk vuông sơ lo nàng tìm wơl rơkàng hìu mờ dong kờl [ung mi tàm tu\ hìu bơnhă ờ gam phe sa, mò H’Suôn Niê, ơm tàm [òn Mnang Dơng, xã Yang Mao mờr hòr dà mat tơn: “Ờ gam anih bic, ờ geh kòi, ờ geh phe. Ală sau ơruh pơnu tus dong 2 thùng [ung mi. Ală sau ơruh pơnu tus dong kờl sơ lo lơh hìu tai. Tu\ do sền hìu đam niam den neh iang nùs bloh. A` gơ lơh chờ hờp ngan, ngoh rơngac ngan, gơ dan hòr dà mat tơn. Ưn ngài ngan ală sau ơruh pơnu.”

Hìu nha\ mò H' Suôn Niê tàm [òn Mnang Dơng, xã Yang Mao  chờ hờp tài geh cau lơh broa\ dong kờl is ''Guàng tê kờ` gơboh'' pà sơlo tìm wơl rkàng hìu

Bi Nguyễn Duy Học, atbồ Mpồl lơh broă niam dong kờl is “Guàng tê kờ` gơboh” pà git, broă lơh dong kờl làng bol tiah gơtìp aniai tài bơh càl rbut dờng sồ 12 pơn jat tai geh lơh, bal mờ tàm ngai sơn rờp nam pa 2018 dê tơn: “Tơnơ\ mờ tu\ sền rùp mờ [au\ VOV yal, làng bol xã Yang Mao gơtìp dà ko\ dà cò lơh aniai, hìu ơm gơtìp pồ rơkàng, gơtìp tơrlah jơh tơn. Bơh ală rùp hơ\, mpồl neh hòi jà ală cau geh nùs nhơm niam, oh mi tàm mpồl tă pơ gồp priă, pơ gồp bal bơta pràn lơh wơl hìu làng bol in. Ngai 31/12 pa do, mpồl tus ndo nàng lơh niam wơl nđờ nơm hìu. Trồ mang, mpồl ơm wơl nàng wă rò nam pa mờ làng bol. Tus ngai 1/1 den mpồl pơn jat tai tus ală hìu làng bol nàng lơh niam wơl hìu làng bol in.”

Tơngac Yang Mao, tiah pôs đồng kac màng tàm rài tam lơh, tơngac làng bol kòn cau Rơđê, Mnông, rài kis neh uă kal ke, mờ gam gơtìp càl rbut dờng lơh aniai, lơh gơbàn hoàc huơr kơn jơ\ ngan, mơya mờ bơta sền gròi, pơn jờng di tu\ bơh kấp ủy, gơ noar atbồ ală kơnă kung bè bơta tam pà, dong kờl bal bơh mpồl bơtìan dê, Yang Mao gam tam gơl ngai pah ngai, dùl bơta pràn kis pràn ngan, gơ rờm bal mờ nùs nhơm tam klac bal, lơh làng bol tàm Yang Mao go\ gơ loh ram nùs, pin dờn mut tus nam 2018 mờ uă bơta kơp kờ` pa.

               Cau cih mờ yal tơnggit K’Duẩn