VOV4.K’ho - Tàm ală nam do, cau ling sền gàr tiah nhàr dà lơgar càr Dak Lak neh pơgồp bal bơta pràn dong kờl làng bol tàm tiah nhàr dà lơgar tơnguh bơtàu lơh sa mpồl bơtiàn, tơn jơh jơgloh tơmù rơ[ah, geh uă cồng nha mùl màl. Nùs nhơm pin dờn bơh làng bol tus mờ ală cau ling sền gàr tiah nhàr dà lơgar neh dong kờl bơta lơngăp lơngai dà lơgar tàm tiah nhàr dà lơgar geh sền gàr niam, pơgồp bal tàm broă sền gàr nam pa lơngăp lơngai.

Wă rò nam pa Kỷ Hợi tàm hìu pa lơh gơs geh cau ling sền gàr tiah nhàr dà lơgar càr Dak lak lơh pà rơlao 130 tơlăk priă, cau mẹ Việt Nam khin cha jăk chài Nguyễn Thị Xuân kis tàm [òn 12, xã Ia Rvê mờ cau pròc mhàm chờ hờp ngan.

Cau mè Việt Nam khin cha jăk chài pà g^t, bơdìh mờ broă dong kờl, dong kờl ngai tơnhào kàl lơh sa, lơh hìu pa, pah nhai, kuang bàng, cau ling gam tă priă nhai dong kờl 1 tơlăk 500 rơbô priă. Pah tu\ gơbàn kòp tê jê să, cau ling sền gàr tiah nhàr dà lơgar Ia Rvê ndrờm ai bác sĩ quân y tus kham mờ pà sơnơm cau mè do in.

-Tàm do cau ling sền gàr tiah nhàr dà lơgar sùm tus còp, ală c\ngai chờ, satềp tus còp tu\ lơi kung geh phan pà. Kung kơnờm mờ cau ling sền gàr tiah nhàr dà lơgar lơh hìu do ơm ram.

Hìu nhă ồng Nguyễn Tấn Tài kung bơh [òn lơgar tòm Bến Tre tus [òn 8, xã Ia Rvê, kơnhoàl Ea Súp, càr Dak Lak ơm kis mờ lơh broă, tìp uă kal ke. Kờ` hìu nhă geh tai bơta niam kờ` tơnguh bơtàu broă lơh sa, cau ling sền gàr tiah nhàr dà lơgar càr Dak Lak dong kờl dùl nơm kơnrồ geh 10 tơlăk priă. Ồng pà g^t, tơnơ\ mờ dùl nam dờp kơnrồ cèng ròng, tu\ do kơnrồ me neh geh bun mờ geh deh kòn tàm nam pa 2019.

-Mpồl ling sền gàr tiah nhàr dà lơgar dong kờl ai a` in geh dùl nơm kơnrồ ròng, kờ` tơnơ\ do rài kis sơlơ ngai sơlơ gơguh rơlao. Hìu nhă geh nùs nhơm pin dờn,pah nam rài kis geh tam gơl, a` kung chờ ngan.

Bal mờ hìu nhă ồng Tài, 27 hìu nhă ndai tàm xã Ia Rvê neh geh dờp kơnrồ bơh mpồl ling sền gàr tiah nhàr dà lơgar càr Dak Lak dong kờl. Mpồl kơnrờ pràn mờ neh deh.

Thiếu tá Trương Văn Hoành, Chí trị viên mpồl ling sền gàr tiah nhàr dà lơgar Ia Rvê pà g6t, kờ` nùs nhơm ling klàng bal mờ làng bol đềt mềr rơlao, sền gàr naim bơta lơngăp lơngai tiah nhàr dà lơgar, mpồl ling sền gàr tiah nhàr dà lơgar Ia Rvê pơn jăt tai lơh uă broă ròng kơnrồ, ròng be, tam plang ai dà, cèng wơl cồng nha broă lơh sa uă rơlao ai làng bol in.

Pah nhai mpồl ling tă 20 k^ phe dong kờl ai 2 hìu kal ke, ờ geh cau ròng siam; dờp ròng 4 nă kơnòm bơsram rơ[ah mờ khà dong kờl 500 rơbô priă bal mờ ròng 2 nă cau mè Việt Nam khin cha jăk chài mờ khà dong kờl 1 tơlăk 500 rơbô priă. Bal mờ broă dong kờl lơh sa, mpồl ling gam tus bal mờ làng bol tàm broă tơmù hoàc huơr bơh trồ tiah lơh aniai, lơh hiòu, tơnhào phan tam, lơh niam wơl gùng lòt.

Di satềp Kỷ Hợi, bơdìh mờ broă lơh ală kơnòl tàm broă sền gàr bơta lơngăp lơngai tiah nhàr dà lơgar, mpồl ling sền gàr tiah nhàr dà lơgar Ia Rvê gam pơgồp bal mờ Đoàn ơruh pơnu bơyai lơh broă “Nam pa tiah nhàr dà lơgar ram nùs [òn lơgar” klơm mbar pà ală kơnòm bơsram rơ[ah tàm xã in, tus còp, pà phan ai ală hìu nhă geh sră dong kờl bơh dà lơgar bal mờ hìu nhă kal ke tàm ală [òn.

-Tàm xã Ia Rvê tơngai pa do, mpồl ling neh pơgồp bal mờ cấp uỷ, gơnoar atbồ xã, ală mpồl ling tàm do lơh jăk kơnòl tam dră, sơndră mờ ală bơta tìs, kuơ màng là gàr niam bơta lơngăp lơngai chính trị tàm xã. Broă lơh jăt ală broă dong kờl làng bol tơnguh bơtàu broă lơh sa pơgồp bal tàm broă ring niam rài kis làng bol tàm tiah nhàr dà lơgar.

Jăt mò Trần Lệ Thuỷ, Bí thư Đảng uỷ xã Ia Rvê yal, bơh broă dong kờl mpồl ling sền gàr tiah nhàr dà lơgar dê, rài kis lơh sa làng bol tàm xã ngai sơlơ tơnguh. Bơta làng bol gơtìp tìs mờ bơta lơngăp lơngai tiah nhàr dà lơgar tài broă lơh sa ờ gam geh tai. Bơta lơngăp lơngai tiah nhàr dà lơgar geh sền gàr niam, bơta niam ờ do ờ dă [òn lơgar geh gàr niam.

-Tàm nam 2018, xã neh gơmù 5,2% hìu rơ[ah, hơ\ là kơnờm bơh broă pơgồp bal dờng màng ngan tàm broă dong kờl bơh mpồl ling sền gàr tiah nhàr dà lơgar dê bè broă dong kờl làng bol tơnguh bơtàu lơh sa

Dùl nam pa gam tus tàm ù tiah nhàr dà lơgar càr Dak Lak, mờ broă pơgồp bal bơh ling klàng bal mờ làng bol geh dong kờl tiah nhàr dà lơgar Ia Rvê geh bơta niam tàm nam pa.

Cau mblàng Ndong Brawl