VOV4.K’ho- Thứ trưởng Bộ Y tế ồng Nguyễn Trường Sơn pa ai gơnoar ƀòn dờng Hồ Chí Minh lam lơh tơrlòng lài tam cah is F0 tàm hìu bal mờ broă tam cah is F1. Mùl màl, bè tam cah is F1, gơ wèt mờ cau tàm tiah geh jơnau pơhìn uă ngan mơya ờ geh tơl bơta jat tơl khà bơh Bộ Y tế dê nàng tam cah is tàm hìu (geh cau F0 tàm hìu tàm tiah tờm bơh tiah gơbàn kòp dê bè hìu ơm ơpah, tiah làng bol rƀah ơm kis, hìu ơm bal) den ntrờn tam cah is tơrgùm bal, xét nghiệm RT-PCR ngai dơ̆ 7 ala mờ ngai dơ̆ 14 bè lài do, dilah ờ bơtờp kòp den sền sơ wì ntrờn rê tam cah is tàm hìu.

Bè tam cah is mờ sơm cau F0, gơ wèt mờ cau ờ geh tềl tơnggŏ kòp gam sơm tàm hìu sơnơm, dilah xét nghiệm RT-PCR ngai dơ̆ 10 geh cồng nha ờ bơtờp kòp halà gam bơtờp kòp mơya khà virus dùl êt, ờ gam bơta pràn bơtờp kòp (halà dùl êt ngan) den ntrờn rê tam cah is tàm hìu dilah gàr tơl ală bơta ờdo ờdă, rơcang sơndră bơtờp kòp. Lam lơh tơrlòng lài tam cah is F0 tàm hìu gơ wèt mờ cau ờ geh tềl tơnggŏ kòp.

Sở Y tế ƀòn dờng Hồ Chí Minh đơs nền, mpồl lơh sơnơm tàm ƀòn lơgar pal ai cau gròi sền pràn kơldang să jan pah ngai gơ wèt mờ ală cau F0 tam cah is tàm hìu; pờ sồ điện thoại lơh broă sùm dờp jơnau yal bè cau kòp geh tềl tơnggŏ, sơbac mhar jun mut tàm hìu sơnơm nàng sơm.

Cau mblàng K’Duẩn