VOV4.K’ho- Ngai do (06/8) mờ ngai hìng (07/8), geh bơyai lơh dơ̆ 2 bơh dơ̆ pơrlòng jơh bơsram kấp pe nam 2021. Do là ală kơnòm pơrlòng ờ hềt geh tus bal pơrlòng halà ờ gơtùi lơh sir jơnau pơrlòng dơ̆ 1 tài gơrềng bơh kòp Covid-19.

Ngai do, 06/8, ală kơnòm pơrlòng lơh jơnau pơrlòng môn Ngữ Văn tàm ƀùi drim mờ lơh jơnau pơrlòng môn Toán tàm ƀùi mho. Ngai hìng 07/8, ală kơnòm pơrlòng lơh jơnau pơrlòng tơrgùm bal Khoa học tự nhiên mờ jơnau pơrlòng tơrgùm Khoa học xã hội; ƀùi mho, kơnòm pơrlòng lơh jơnau pơrlòng môn dà đơs lơgar ndai. Dơ̆ 2 dơ̆ pơrlòng jơh bơsram kấp pe kờp jơh geh 13 Mpồl duh broă pơrlòng, mờ 49 anih pơrlòng mờ 683 cơldŭ pơrlòng. Jat jơnau đơs bal,  tus tŭ do, jơh ală anih pơrlòng, ală broă lơh rcang sơndră kòp Covid-19 neh geh ală tiah rcang lài niam ngan.

Cau mblàng K’Hạnh