VOV4.K’ho- Ngai 26/03, pơrjum dơ̆ 18 Hội đồng Nhân dân càr Lâm Đồng khoá 9 neh ring bal Nghị quyết gùng dà broă lơh bơcri priă lơh rơndap broă lơh gùng rơndeh ntoat jờl Tân Phú (càr Đồng Nai) – Bảo Lộc (càr Lâm Đồng) mờ kờp jơh khà priă bơcri lơh tơngai dơ̆ 1 là 16 rơbô 408 tơmàn đong. Rơndap broă lơh do kờp jơh geh bơta jòng 67 kơi sồ, tàm hơ̆ geh 11 kơi sồ lòt gan kơnhoàl Tân Phú càr Đồng Nai dê, 56 kơi sồ lòt gan ală kơnhoàl Dà Huoai, Dà Teh, Bảo Lâm mờ ƀòn dờng Bảo Lộc bơh càr Lâm Đồng dê.

Gùng ơnàng 22 thơk mờ 4 bơnàng gùng rơndeh dờng, 2 bơnàng gùng rơndeh ơm ing jal mhar. Rơndap broă lơh tàm pà gơs 2 tơngai, tàm hơ̆ tơngai dơ̆ 1 lơh bơh nam 2021 tus nam 2025. Kờp jơh khà priă bơcri lơh tơngai dơ̆ 1 bơh rơndap broă lơh dê là 16 rơbô 408 tơmàn đong, tàm hơ̆ priă bơcri bơh Dà lơgar dê pơgap 6 rơbô 500 tơmàn đong, gam wơl là priă bơcri bơh cau bơcri priă hòi jà bal.

Cau mblàng K’ Hạnh