VOV4.K’ho- Ngai 09/6, tàm Hà Nội, Bộ Kuang àng bơyai lơh pơrjum Mpồl đơng lam rơndap broă bơt bơtàu cơ sỡ dữ liệu dà lơgar bè làng bol ơm kis mờ rơndap broă lơh mờ atbồ sră kimta làng bol. Đại tướng Tô Lâm, Ủy viên Bộ Chính trị, Bộ trưởng Bộ Kuang àng, Kuang atbồ Mpồl đơng lam neh đơng lam dơ̆ pơrjum. Kờp tus ngai 07/6, neh geh rlau 35 tơlak nă cau geh ai sồ yal mat sơnđan. Kờp dŭ tus ngai 18/6, Bộ Kuang àng geh bơyai lơh ai mờr 90% sồ yal mat sơnđan ai làng bol tàm gùt lơgar in.

Bộ trưởng Tô Lâm đơs nền, Kuang àng ală mpồl, ală tiah bañ sền ờ sơp, hừh nùs mờ cồng nha lơh geh mờ pal pơn jat tai lơh ngan nàng lơh gơs niam ală kơnòl broă ai tơlik, tềng đap mat là ală broă jal mhar bơh tŭ do tus ngai 01/7, mờ ală broă lơh gàr sùm tơnơ̆ ngai 01/7. Mờ kung sồr Cục cảnh sát atbồ hành chính bè ờdo ờdă mpồl bơtiàn pơn jat tai chul chồl Kuang àng ală tiah lơh gơs broă lơh kloh dữ liệu, ring bal tàm anih lơh broă nàng ai sồ yal mat sơnđan làng bol in tàm ngai 18/6/2021 jat kơrnuat dữ liệu dipal tus tềng lơi den ai sồ yal mat sơnđan tus tềng hơ̆.

Cau mblàng K’Duẩn