VOV4.K’ho- Jat khà kờp bơh Bộ Giáo dục mờ Đào tạo dê, kờp tus 5 jơ mho ngai 05/9, geh rlau 358 rbô nă cau tam gơl bơta kơp kờñ cih mat sac rơ wah, geh rlau 45% tàm khà kờp jơh cau pơrlòng cih mat sac rơ wah mut đại hocj mờ broă lơh ngui cồng nha pơrlòng jơh bơsram kấp 3 nam 2021 gơguh rlau 3% pơn drờm mờ nam lài. Khà bơta kơp kờñ cih mat sac rơ wah lài mờ tŭ tam gơl là rlau 3 tơlak 800 rbô, kờp bal tơl nă cau cih mat 4,8 bơta kơp kờñ. Khà bơta kơp kờñ cih mat sac rơ wah tơnơ̆ tŭ tam gơl là rlau 3 tơlak 900 rbô bơta kơp kờñ, gơguh tai rlau 84 rbô bơta kơp kờñ, kờp bal tơl nă cau pơrlòng cih mat 4,9 bơta kơp kờñ.

Bộ Giáo dục mờ Đào tạo pà git, geh rlau 78 rbô nă cau pơrlòng dờp mut bơsram mờ ală hìu bơsram neh tơmut tàm anih yal tơnggit, gơguh mờr 5 rbô nă pơndrờm mờ nam lài. Jat tơngai rơ wah cau bơsram bơh Bộ Giáo dục mờ Đào tạo dê, bơh ngai 13/9 tus 5 jơ mho ngai 15/9, ală hìu bơsram lam lơh broă rơ wah ờ ngan ngồn sac rơ wah dơ̆ 1. Lài mờ 5 jơ mho ngai 16/9, ală hìu bơsram geh yal cồng nha sac rơ wah dơ̆ 1.

Cau mblàng K’Duẩn