VOV4.K’ho-Pa do, Đoàn ơruh pơnu xã Vụ Bổn, kơnhoàl Krông Pach, càr Dak Lak neh pơgồp bal mờ ală mpồl cau lơh broă dong kờl is Tây Nguyên dê hòi jà lơh rbàng drơng làng bol in lòt rê tàm thôn Thanh Sơn. Rbàng dềt mơya bềng bơta kuơ, dong broă lòt rê đah 2 xã Vụ Bổn (kơnhoàl Krông Pach) mờ xã Ea Ô (kơnhoàl Ea Kar) lòt rê [ươn, lơngăp lơngai ờdo ờdă tàm kàl mìu dà tih.

Thôn Thanh Sơn, xã Vụ Bổn, kơnhoàl Krông Pach, càr Dak Lak geh 190 hìu bal mờ rlau 700 nă cau mờ rlau 6 kòn cau ơm kis bal.

                  Bơta chờ hờp bơh làng bol thôn Thanh Sơn, xã Vụ Bổn dê tu\ rbàng pa lơh gơs mờ ai ngui

Tàm pơgăp tơngai nhai 9 tus nhai 11 pah nam, jơh gùt thôn Thanh Sơn mờ ală thôn, [òn rềp bal sùm gơtìp dà wềl, ờ gơtùi lòt rê tus tiah ndai. Broă lòt rê, pơndiang phan lơh geh bơh sươn sre tàm tiah do kơnờm jơh lơm tàm dùl nơm rbàng lơh mờ chi neh ờ gam kơl jăp tai [ă gan dà croh Ea Rớt. Ngan là tàm tơngai mu\t tàm kàl mìu, dà tih jơnhoa ngan, gơhòr jơnhăng tai, lơh broă lòt rê bơh làng bol tàm tiah do mờ ală kơnòm bơsram dê ngòt rơngơ\t sơbơng roh ngan.

Tài bơh ơm ngài mờ xã 12 kơi sồ, lòt rê kal ke den tàng làng bol tàm tiah do pal dan ai oh kòn in lòt bơsram tàm xã Ea Ô, kơnhoàl Ea Kar.

             Bơta chờ hờp bơh làng bol thôn Thanh Sơn, xã Vụ Bổn dê tu\ rbàng pa lơh gơs mờ ai ngui

Pah tu\ tus kàl mìu dà tih jơnhoa, jơh dùl thôn pal ai cau lòt drơng gàr tềng bàr đah rbàng chi nàng jun rò kơnòm lòt bơsram. Pa do, Đoàn ơruh pơnu xã Vụ Bổn mờ Ală mpồl cau lơh broă dong kờl is Tây Nguyên neh bơyai lơh hòi jà ală cau dong kờl priă jền tă pơgồp priă nàng lơh rbàng bê tông [ă gan dà croh Ea Rớt. Ồng Lương Xuân Ớ, Cau atbồ thôn Thanh Sơn, đơs, rbàng bulah dềt mơya geh bơta kuơ uă ngan.

Geh bơta sền gròi bơh ală cau dong kờl priă jền dê tềng đap mat geh đau rbàng do rài kis làng bol ngai sơlơ chờ hờp ngan. Tơngai lài, tu\ ờ hềt geh rbàng, tơngai mìu nhàc càl rbu\t dờng uă, den ală hìu bơnhă geh kòn lòt bơsram pal tus drơng gàr uă, ngan là tàm tơngai geh mìu sùm.

Tàm thôn do pơnyơu bè hìu bơnhă geh puan, pram nă kòn kung pal geh 1 nă cau ala mat hìu bơnhă in nàng lòt drơng gàr, jun rò kơnòm lòt gan dà croh tus đah ne tơn. Pal dong kờl is tàm ala gơ\p tài bơh tu\ dà gơ tih jơnhoa den pal sùm lòt drơng gàr nàng jun rò ală oh lòt gan tus đah ne dà croh nàng lòt bơsram.

Ồng Hà Văn Đề, làng bol thôn Thanh Sơn pà gi\t, rbàng do ờ mìng dong làng bol mờ ală kơnòm bơsram iang nùs lòt rê tàm kàl mìu dà tih jơnhoa mờ broă lòt rê pơndiang ntrờ` phan bơna, kă bro phan lơh geh bơh suơn sre bơh làng bol dê tàm tiah do kung geh [uơn [oài rlau, ờ gam tai jơnau gơtìp bol kă phan bơcăp khà priă.

Lài do tu\ ờ hềt geh rbàng drơng tàm broă lòt rê làng bol in do, den broă lòt rê pơndiang phan kă bro tàm kàl mìu tàm do ndrờm bè kal ke ngan. Bơh dì ngai geh rbàng do den gùng lòt niam rlau, làng bol lơh sa, kă bro phan ờ gơtìp bol kă phan bơcăp khà priă tai. Bơh ngai geh cau geh nùs nhơm niam dong kờl, sền gròi lơh rbàng làng bol in ai làng bol tàm do in, đơs bal là ală kơnòm lòt bơsram niam rlau, lơngăp lơngai ờdo ờdă rlau. Tơngai lài tu\ ờ hềt geh broă lơh do, den pah tu\ mu\t tàm kàl mìu tus Mpồl atbồ is thôn kung pal ai cau lòt drơng sền rbàng nàng jun rò kơnòm lòt bơsram.

Rbàng bê tông, jrong lòs jòng 21 thơk tàm tơrbo\ bal bàr đah dà croh Ea Rớt, là dùl tàm ală broă lơh drơng tàm rài kis làng bol in geh “Tùh sră dong kờl bơsram [òn dờng Hồ Chí Minh” pơgồp bal mờ Đoàn ơruh pơnu xã Vụ Bổn mờ ală Mpồl lơh broă dong kờl is Tây Nguyên dê lơh bal mờ priă tă lơh là 190 tơlak.

                    Bơta chờ hờp bơh làng bol thôn Thanh Sơn, xã Vụ Bổn dê tu\ rbàng pa lơh gơs mờ ai ngui

Ồng Lê Ngọc Tú, Phó Chủ tịch UBND xã Vụ Bổn pà gi\t, tơnơ\ tu\ rơndăp broă lơh geh lơh, UBND xã Vụ Bổn neh hòi jà làng bol lơh ơnàng tai gùng drơng làng bol lòt rê pơgồp bơnah bal mờ gơnoar atbồ xã bơ\t bơtàu [òn lơgar pa.

Mpồl đơng lam đoàn bơh xã dê geh sơl jơnau dan dong kờl lơh dùl nơm rbàng bê tông, bè đah xã jờng rơ ngan nùs nhơm lam lơh lài bơh mpồl đơng lam đoàn dê tàm broă dong kờl bơtàu tơnguh lơh sa [ươn [oài ai làng bol in mờ dong kờl bơsram sră kung bè pơgồp bơnah bơ\t bơtàu [òn lơgar pa bơh xã dê. Bal mờ hơ\, xã cih dờp ngan broă lơh bơh mpồl đơng lam đoàn dê den kung dong kờl mờ hòi jà làng bol thôn Thanh Sơn pà ù nàng lơh ơnàng gùng bơh 2 thơk tus 4 thơk mờ neh tuh ù mờ xã neh dong kờl tai priă apah măy pơnring ù nàng dong kờl lòt rê [ươn [oài rlau tàm kàl mìu dà tih jơnhoa.

Rbàng drơng tàm rài kis làng bol thôn Thanh Sơn in [ă gan dà croh Ea Rớt geh ai ngui di tàm dơ\ tơngkah Ngai Sơn tờm dà lơgar 2/9 pa do, rơcang mu\t tàm nam bơsram pa, lơh geh nùs nhơm chờ hờp chờ hờn ngan ai gi\t nđờ rhiang hìu làng bol tàm xã Vụ Bổn, kơnhoàl Krông Pach, càr Dak Lak in. Broă lơh geh kuơ do bơh Đoàn ơruh pơnu xã Vụ Bổn mờ ală Mpồl lơh broă dong kờl is Tây Nguyên dê pal geh sền dờng màng ngan.

Cau mblàng Lơ Mu K’Yến