VOV4.K’ho – Cribơyai broă lơh rơcang sơndră mìu nhàc pa gơ pràn gơs càl rbut dờng, drim òr 2/11, tàm Hà Nội, kuang atbồ Tổng cục rơcang sơndră trồ tiah lơh aniai neh đơng lam dơ\ pơrjum jal mhar mờ ală kuang geh jơng bơh Mpồl đơng lam dà lơgar bè rơcang sơndră trồ tiah lơh aniai.

Ồng Trần Quang Hoài, kuang atbồ Tổng cục rơcang sơndră trồ tiah lơh aniai sồr ală tiah pal rơcang lài geh rơndap broă rơcang sơndră mìu càl rbut dờng ngan ngồn, yal ơhò, plung in ntrờn lik bơh tiah ngòt rơngơt bơh càl rbut dờng dê.

Ală kuang geh jơng tàm mpồl đơng lam jat gah broă lơh sồr mpồl lơh broă tàm [òn lơgar pơgồp bal mờ gơnoar atbồ tàm [òn lơgar bơyai lơh ntrờn làng bol lik bơh ală tiah ngòt rơngơt; rơcang lài ai kơnòm bơsram in rlô bơsram. Rơcang lài ală rơndap broă rơcang sơndră mờ mìu dờng, ù tiah gơtìp tam cah is tài ngơr bam, gàr niam gùng lòt ù gờl, gùng rơndeh ồs geh tơl niam mờ ờ do ờ dă ală tơnau dơng dà.