VOV4.K’ho- Mho ngai 14/10, tàm Hìu Quốc hội, Chủ tịch Quốc hội ồng Vương Đình Huệ mờ Bí thư Mpồl đơng lam Đảng Chính phủ, Thủ tướng Chính phủ ồng Phạm Minh Chính neh đơng lam pơrjum đah Đảng mpồl Quốc hội mờ Mpồl đơng lam Đảng Chính phủ bè broă rơcăng ai pơrjum dơ̆ 2, Quốc hội khoă XV in (kờp dŭ geh mŭt pơrjum tàm ngai 20/10 do).

Gùt anih pơrjum

Đơs pơndŭt pơrjum, Chủ tịch Quốc hội ồng Vương Đình Huệ pà gĭt, tus tŭ do, jơh ală broă rơcăng ai pơrjum dơ̆ 2 in neh lơh sir jơh bal mờ bơta dùl nùs bal, ring bal uă ngan. Chủ tịch Quốc hội kung sồr, kuang đơng lam bồ Quốc hội, Chính phủ, Anh cah rña làng bol dờng ngan rlau jơh dà lơgar, Viện Kiểm sát làng bol dờng ngan rlau jơh dà lơgar, Ủy ban Mặt trận dà lơgar Việt Nam, 04 Cơldŭ lơh broă Dà lơgar pơn jăt tai sồr ală anih lơh broă geh gơrềng pơgồp bal niam bal mờ gơ̆p tàm ală tŭ bơyai lơh dơ̆ pơrjum nàng gơ in di tŭ bơsong ală broă digơlan gơlik geh. Chủ tịch Quốc hội ồng Vương Đình Huệ tơngkah broă lơh rơcăng ai pơrjum dơ̆ 2 in ờ gŏ di ờ rơcăng ngăc, ờ gŏ rơcăng niam mờ pal sền gàr niam ngan rlau jơh ờdo ờdă rơcăng sơndră kòp, lơngăp lơngai rơndăp tăp sèng mờ broă lơh yal tơngĭt jơnau mblàng yal.

Cau mblàng Lơ Mu K’Yến