VOV4.K’ho- Tàm pơrjum dơ̆ 2, Quốc hội khóa 15, drim do (21/10), Quốc hội cribơyai tàm mpồl jơnau yal bè broă lơh rơcang sơndră kòp Covid-19 mờ broă lơh jat Nghị quyết sồ 30 nam 2021 bơh pơrjum dơ̆ 1, Quốc hội khóa 15 dê. Uă kuang bàng ring bal mờ ală jơnau mờng chài, jơnau kờñ, nùs nhơm, kơnòl broă rơcang sơndră kòp Covid tàm tơngai tus mờ jơnau yal neh đơs, tàm hơ̆ pal sền dờng màng tus broă rơcang sơndră kòp Covid ngac ngar nàng gàr tơl niam rài kis mpồl bơtiàn. Chính phủ ai tơlik 2, 3 kơnòl broă, broă lơh tờm, tàm hơ̆ tơrgùm lam lơh ngac ngar, geh cồng nha jơnau kờñ ờ mìng rơcang sơndră kòp Covid-19 mờ gam bơtàu tơnguh wơl, bơtàu tơnguh lơh sa- mpồl bơtiàn; lam lơh geh cồng nha broă rơndap lơh jơh ală bơta bè rơcang sơndră kòp, geh broă rơndap lơh gơ dờp ờdo ờdă, ngac ngar, gròi sền geh cồng nha kòp Covid-19, sền do là kơnòl broă kuơmàng, jal mhar bơh ală kấp, ală gah broă lơh dê bơh bồ nam 2022 tơn.
Cau mblàng K’Duẩn
Viết bình luận