VOV4.K’ho-Nam 2018, broă lơh tam dră rơcang sơndră sa kuề sa kùa pơn jat tai geh lơh pràn ngan; đơs ngan bơta lơh ngan jơh nùs chính trị uă ngan bơh Đảng, Dà lơgar dê bal mờ ală dơ\ lơh tìs dờng, mờ broă lơh glài krà` ngan lời ai ală cau tồn lah bè geh ờ gơtìp lơh glài, ală gah broă lơh tồn lah ờ gơtùi sơgràm geh.

Ngai do 3/2, Tơngkah kir sơnrai 89 nam Ngai crơng gơs Đảng Cộng sản Việt Nam, bol he bal mờ gơ\p sền wơl bal ală broă lơh ngan pơđơl pràn niam ngan bơh Đảng he dê tàm nam 2018 mờ broă lơh rơcang sơndră sa kuề sa kùa.

Ală ngai sơnrờp bơh nam 2018 dê, ồng Đinh La Thăng, Trịnh Xuân Thanh bal mờ cau lơh tìs bal gơtìp ai tơlik cah r`a tàm dơ\ lơh tìs “Kơldang nùs lơh tìs jơnau sồr bơh Dà lơgar dê bè atbồ lơh sa lơh gơlik jơnau gơlời wơl ngòt rơngơ\t ngan” mờ “Sa kuề jơtài phan bơna” gơlik geh tàm Tập đoàn Nhơm zờu Việt Nam (PVN) mờ Tổng Công ty lơh crăp Nhơm zờu Việt Nam (PVC). Dùl tềl tơngo\ pà go\ broă lơh rơcang sơndră sa kuề sa kùa ờ geh “tiah kơryan ờ ai”, ờ go\ jơnau gơ ơm bơdìh.

Dùl ròt ală dơ\ lơh tìs dờng, kal ke; dùl ròt kuang bàng dờng màng bơh Đảng dê gơtìp ku\p, gơtìp ai tơlik cah r`a tềng đap kơrnoat boh lam. Pơlai soh ngan là khi lài do neh geh dà kơlhề dờng ngan mờ dà lơgar, neh geh tu\ sơrlèt gan uă bơta kal ke bơta lòng tàm ală tu\ tơngai kal ke ngan rlau jơh.

Mơya tềng đap bơta gơplơ\ gơhu\c bơh priă jền dê, tềng đap bơta gơplơ\ gơhu\c bơh phan bơna ờ kuơmàng, tềng đap bơta tam gơl nùs nhơm ờ niam tài bơh ờ go\ sùm bơsram tàp, khi neh ờ gơtùi gàr geh să jan mờ gơtìp gơplơ\ gơhu\c.

Dơ\ lơh tìs nhơl [ài sa priă gi\t nđờ rbô tơmàn bơh tàm internet gơrềng tus Kuang atbồ Tổng cục Kảnh sát lài do ồng Phan Văn Vĩnh mờ Kuang atbồ Cục Kảnh sát rơcang sơndră cau lơh tìs công nghệ cao lài do ồng Nguyễn Thanh Hoá gơtìp Anih cah r`a làng bol càr Phú Thọ ai tơlik cah r`a tàm nhai 11 nam 2018 pa do là jơnau ai lơh pơnyơu mpờl go\ ngan.

Bơh jat sền broă lơh rơcang sơndră sa kuề sa kùa tàm nam 2018, Giáo sư- Tiến sĩ Hoàng Chí Bảo, lài do là Ủy viên Mpồl duh broă cribơyai Dà lơgar đơs.

Jat a` den, duh hồl ngan rlau jơh là jơnau sa kuề sa kùa, geh bal sa kuề sa kùa dờng mờ dờng ngan, tàm hơ\ geh bal sa kuề dềt rah rài ală broă ờ kuơmàng, [ơ\ [ơl gơ lơh ờ niam te\ rài kis muh mat bơngă cau đảng viên dê, jơh ală dơ\ lơh tìs dờng gơlik geh pa do pà go\ bơta geh ngan muăt jrùm ngan do. Làng bol kung sền go\ sơl Đảng he neh geh bơta tam gơl niam ngan tàm bơta lơh ngan jơh nùs rơcang sơndră sa kuề sa kùa, loh làng ờ ndơ\p mpồn ai tơlik cah r`a, ờ go\ geh jơnau gơ ơm bơdìh lơi ờ.

Nam 2018, broă lơh tam dră rơcang sơndră sa kuề sa kùa, bơta ờ niam tam gơl pràn ngan bal mờ ală khà kờp niam ngan. Bơh ngai 1/10/2017- 30/9/2018, bơh broă lơh lùp sền neh sền go\ 78 dơ\, 106 nă cau sa kuề sa kùa mờ gơrềng tus sa kuề sa kùa; Bơh broă lơh bơsong yal yă sền go\ 40 dơ\, 87 nă cau geh broă lơh gơrềng tus sa kuề sa kùa (gơguh 66,7% khà dơ\).

Anih lơh broă lùp khàu bơh mpồl Kuang àng làng bol dê neh dờp lùp khàu 427 dơ\ lơh tìs, 889 nă cau gơtìp yă lơh tìs bè sa kuề sa kùa; neh pơndu\t lùp khàu mờ sồr yal yă 212 dơ\ lơh tìs, 488 nă cau gơtìp yă.

Pal đơs ngan là pơndrờm mờ nam 2017, khà cau gơtìp sền go\, lơh glài tài bơh geh broă lơh sa kuề sa kùa uă rlau mờ ơm tàm uă cau rlau, kuơmàng tàm hơ\ geh bal ală cau là kuang bàng tàm mpồl ling, kuang àng, ală gah broă lơh mờ lài do mpồl bơtiàn kung gam ngòt ờ khin sơl tài bơh digơlan kal ke ngan tus kơryan tu\ geh broă lơh tìs. Bơta do sơlơ tơngo\ loh làng nùs nhơm ờ go\ geh tiah kơryan ờ ai, ờ go\ geh jơnau gơ ơm bơdìh tàm tam dră rơcang sơndră sa kuề sa kùa. Ồng Cao Văn Thống, Ủy viên Ủy ban Sền swì dà lơgar khoá 12 đơs.

Bơta hơ\ pà go\ bơta lơh ngan jơh nùs chính trị bơh Đảng he dê, bơta đơng lam bơh Bộ Chính trị, Ban Chấp hành Đảng Dà lơgar dê, bơh ồng Tổng Bí thư dê bal mờ nùs nhơm tam dră rơcang sơndră sa kuề sa kùa krà` cê jơh nùs ngan, ku\p kơryan jơh, ờ go\ di lời nùs, ờ go\ geh tiah kơryan ờ ai, ờ go\ geh jơnau gơ ơm bơdìh ờ mờ geh tu\ là ờ go\ anih ơm wơl.

Bè ồng Tổng Bí thư neh đơs: Bơnhă ồs neh gơ sa den lòng ro halà lòng sùh ndrờm gơ sa jơh sơl. Ờ mìng là sền swì, lơh glài kuang bàng đảng viên gam at gơnoar broă lơm, mờ ală kuang bàng đảng viên neh jơh sơnam lơh broă, geh bal ală kuang ling tu\ geh bơta lơh tìs ờ di kung gam geh sền swì mờ lơh glài krà` sơl, ndrờm bal, geh bal lơh glài bơh Đảng dê, lơh glài mờ priă jền mờ lơh glài mờ kơrnoat boh lam.

Trung tướng Trần Văn Độ, lài do là Kuang atbồ Anih cah r`a ling klàng dà lơgar, Phó Kuang atbồ Anih cah r`a làng bol dờng ngan rlau jơh dà lơgar lài do kung đơs ngan.

Nam 2018 là dùl nam broă lơh tam dră rơcang sơndră sa kuề sa kùa krà` cê jơh nùs ngan, jơh ală cau lơi bulah at gơnoar broă mờ tu\ geh broă lơh tìs ndrờm gơtìp lơh glài jat di broă lơh glài, di khà bè lơh glài bơh đảng dê, jơnau sồr bơh kơrnoat boh lam dê.

Dùl nam bol he lơh glài, lùp khàu, yal yă mờ cah r`a bal Ủy viên Bộ Chính trị tus kơnă hơđơm, dùl ròt kuang ling. Den tàng bè hơ\, dơ\ tam dră rơcang sơndră sa kuề sa kùa lơh geh wơl bơta pin dờn tàm làng bol mùl bơh bàr pe nam lài neh geh tềl tơngo\ gơmù, tu\ do làng bol pin dờn.

Cồng nha bơh broă lơh tam dră rơcang sơndră sa kuề sa kùa bơh tơnơ\ dơ\ Pơrjum dờng dơ\ 12 bơh Đảng dê tus tu\ do mờ niam ngan tàm nam 2018 neh lơh kơ\ kơl jăp tai bơta pin dờn bơh làng bol dê tàm bơta đơng lam bơh Đảng dê, bơta atbồ bơh Chính phủ dê mờ geh bơta pràn lơh gơrề uă ngan tàm jơh gùt mpồl bơtiàn; lơh geh srơh pràn kơldang, lơh pràn bơta tam klac, tàm sơmbăt tê bal tơrmù kơryan mờ wèt tus kơryan jơh ală cau sa kuề sa kùa, ală bơta ờ niam neh mờ gam lơh ờ pràn te\ bơngă Đảng dê, lơh gơlik bơta ờ suk tàm làng bol.

Broă lơh tam dră rơcang sơndră sa kuề sa kùa nam pa do, làng bol ndrờm dùl nùs bal lơm, Đảng he neh đơs là lơh, tơngo\ bơta lơh ngan jơh nùs tam dră sa kuề sa kùa pràn kơldang. Bơta hơ\ geh tơngoh loh làng ngan tơn tàm Pơrjum Dà lơgar dơ\ 9 pa do.

Làng bol dùl nùs bal mờ pin dờn tam dră rơcang sơndră sa kuề sa kùa, làng bol ndrờm kơ\p kờ` nam 2019 pơn jat tai krà` cê jơh nùs bè hơ\ nàng tơrmù sa kuề sa kùa.

Nam 2018 là nam tàm gùl tơngai lơh broă lơh jat Nghị quyết Pơrjum dờng dơ\ 12 bơh Đảng he dê mờ nghị quyết pơrjum dờng đảng bộ ală kấp. Broă lơh bơ\t bơtàu, lơh niam wơl Đảng pơn jat tai geh lơh pràn mờ lơh jat cồng nha bơh ală nam lài. Bơh bồ tơngai lơh broă tus tu\ do, tàm pơgăp ờ hềt tơl 3 nam, rlau 60 nă kuang bàng gơ wèt mờ Dà lơgar dê atbồ neh gơtìp lơh glài, tàm hơ\ geh 5 nă cau là Ủy viên Đảng dà lơgar gam at gơnoar broă.

Ală ngai lồi nam 2018, Pơrjum Dà lơgar 9 neh tơn jơh at gơnoar broă ồng Tất Thành Cang, Ủy viên Đảng Dà lơgar, Phó Bí thư Thường trực Thành ủy, Ủy viên Ban Thường vụ Thành ủy [òn dờng Hồ Chí Minh tơngai lơh broă bơh nam 2015- 2020 tài bơh neh geh ală broă lơh tìs, lơh tìs ngòt rơngơ\t ngan.

Tổng Bí thư, Chủ tịch lơgar ồng Nguyễn Phú Trọng đơs tàm dơ\ tơn jơh Pơrjum Dà lơgar 9, khoá 12 neh đơs wih đơs wơl “Jê nùs ngan! Mơya tài bơta krà` cê bơh lơh glài Đảng dê, bơta duh rơngòt kơnroat boh lam bơh Dà lơgar dê, bơta sàng goh, pràn kơldang kơ\ kơl jăp mờ bơngă bơh Đảng dê mờ jơnau kơ\p kờ` bơh làng bol dê, bol he pal lơh, mờ geh gam pơn jat tai lơh tàm tơngai tus”.

Ngan bal mờ ală bơta lơh ngan jơh nùs uă, mờ nùs nhơm loh làng bè hơ\ bơh Đảng, Dà lơgar dê, broă lơh rơcang sơndră sa kuề sa kùa nam 2018 neh lơh geh uă bơta niam, lơh geh bơta gơdờp niam, lơh gơrề pràn kơldang tàm jơh gùt mpồl bơtiàn.

Nùs nhơm hơ\, bơta lơh ngan jơh nùs hơ\ geh pơn jat tai geh lơh jat rlau tai tàm nam 2019 nàng broă lơh rơcang sơndră sa kuề sa kùa lơh geh uă cồng nha rlau, lơh jat di niam rlau bơta kơ\p kơnờm bơh làng bol gùt lơgar dê tàm gơnoar broă đơng lam bơh Đảng, Dà lơgar dê!

Cau mblàng Lơ Mu K’Yến