VOV4.K’ho- Phó Thủ tướng Chính phủ ồng Lê Minh Khái, Kuang atbồ Mpồl đơng lam tam gơl pa, bơtàu tơnguh lơh sa mpồl cau, hợp tác xã pa ai tơlik broă rơndap lơh tơn jơh 10 nam lơh jat Adat hợp tác xã nam 2012.

Jơnau kờñ là tơn jơh, sền sơ wì ală cồng nha lơh geh, ală bơta ờ niam mờ jơnau bơh tài gơlik geh, bơh hơ̆ ai jơnau mờng chài tàm broă lam lơh jat Adat Hợp tác xã nam 2012; ai tơlik, geh jơnau dan bè ală broă lơh tă bơsong ală kal ke, kòl yan nàng tơnguh bơta niam, cồng nha broă lơh atbồ dà lơgar bè lơh sa mpồl cau, hợp tác xã, dan mờ Chính phủ, Quốc hội tam gơl, bơ tơl Adat Hợp tác xã mờ lơh sir ală sră nggal adat boh lam lơh jat jơnau kờñ ngan ngồn bè bơtàu tơnguh lơh sa mpồl cau, Hợp tác xã. Bơdìh hơ̆ tai, sền sơ wì ală cồng nha lơh geh, ală bơta ờ niam, ờ hềt ring bal bơh Adat Hợp tác xã nam 2012 dê tàm ròt ală adat boh lam; jòi git ală jơnau bơh tài, jơnau mờng chài mờ ai tơlik, dan ală broă lơh tă bơsong kal ke, kòl yan, tơnguh ală cồng nha lơh geh, tơnguh cồng nha lơh jat Adat Hợp tác xã.

Cau mblàng K’Duẩn