VOV4.K’ho- Tàm Hà Nội, Ủy ƀan Mặt trận dà lơgar Việt Nam, Cụm tàm pơrlòng 5 ƀòn dờng gơ wèt dà lơgar bơyai lơh Pơrjum tơn jơh broă lơh cụm tàm pơrlòng nam 2021. Đơs tàm pơrjum, Ƀí thư Đảng dà lơgar, Củ tịc Ủy ƀan Mặt trận dà lơgar Việt Nam ồng Đỗ Văn Chiến sồr Mặt trận dà lơgar ală kấp rơcang wil tơl nàng ală cau gơtìp gơ rềng tài bơh kòp Kovid-19 geh wă rò sa tềp Nhâm Dần ngan ngồn là Sa tềp bơh nùs nhơm tàm kờñ gơboh bal kòn bơnus dê.

Ồng Đỗ Văn Chiến sồr cụm tàm pơrlòng 5 ƀòn dờng gơ wèt dà lơgar pal sơbac mhar bơt bơtàu broă rơndap lơh bơyai lơh sa tềp Nhâm Dần 2022 gròi sền ai ală hìu bơnhă geh sră dong kờl bơh dà lơgar, cau ling kòp tê jê să, hìu bơnhă cau ling chơt màng, kuơmàng là cau gơtìp gơ rềng tài bơh kòp Kovid-19. Ồng Đỗ Văn Chiến kung sồr pơn jat tai tam gơl pa bè tơngume, broă lam lơh mờ cồng nha gròi sền, cribơyai mpồl bơtiàn; sền gròi tus broă lơh sền sơ wì, lòt sền ai jơnau đơs bơh làng bol dê gơ wèt tus mờ ală broă geh sền gròi uă, ală broă lơh gơbàn ờ suk, gơ rềng tơn tus gơnoar, bơta kuơ dipal bơh làng bol dê.

Cau mblàng K’Duẩn