VOV4.K’ho- 6 nhai bồ nam 2021, Dak Lak gơlik geh 650 dơ̆ mus kơl brê mờ sơ gràm ù brê tìs mờ adat boh lam, geh mờr nggùl khà broă lơh tìs adat sền gàr mờ bơtàu tơnguh brê tàm gùt lơgar. Do là bơta geh ngan pal đơs lài ngan, ai gŏ bơta mus kơl brê tàm Dak Lak gam gơlik geh kal ke ngan. Jat khà kờp bơh Chi cục Kiểm lâm càr Dak Lak dê, tàm 6 nhai bồ nam, gùt càr gơlik geh 590 dơ̆ mus kơl brê mờ 60 dơ̆ sơ gràm ù brê tìs mờ adat boh lam, kờp jơh bă brê mờ ù brê gơtìp hoàc huơr là 207 lồ.

Tàm hơ̆, ală anih lơh broă geh gơnoar neh lơh glài 390 broă lơh tìs, kup ai mờr 260 khối dơm chi ală bơta, 252 phan bơna lơh tìs, tơmut tàm kes priă mờr 3 tơmàn đông. Pal sền gròi là geh tus rlau 70% khà broă mus kơl brê tàm 6 nhai do tàm càr Dak Lak là gơlik geh tàm kơnhoàl Krông Bông, dùl tiah gơlik geh uă broă mus kơl brê gam geh ală kấp, gah broă lơh bơh càr dê tơrgùm bơsong.

Cau mblàng K’Duẩn