VOV4.K’ho - Ngai do (22/05), tơnơ̆ mờ tơngai rơcang lài nền nòn mờ kơ̆p gơn, dơ̆ tĕ khà kuang bàng Quốc hội khoă 15 mờ HĐND ală cấp tơngai bơh nam 2021 tus 2026 neh sơn đờm geh lơh tàm ală tiah, mpồl geh bơyai lơh đùh sră tĕ khà gờñ.

                                           Anih đùh sră gờñ tàm tiah Đak Ung, càr Kon Tum

Mờ tiah Tây Nguyên, tàm ngai do, geh di pơgăp 12 rơbô nă cau tĕ khà, tàm 63 mpồl tĕ khà tàm ală càr Dak Lak, Kon Tum mờ Dak Nông neh chờ hờp lơh jăt gơnoar mờ kơnòl bơh să tờm bơh ală pang sră pồ tĕ khà, pơgồp bal tàm broă pồ geh ală kuang bàng tơl niam, jăk chài mŭt tàm Quốc hội mờ HĐND ală cấp.

Tơnơ̆ mờ tŭ 12 rơbô nă cau tĕ khà lơh gơs gờñ gơnoar mờ kơnòl bơh làng bol dê, rơlao 4 tơlăk 100 rơbô nă cau tĕ khà, gơwèt mờr 50 jơi bơtiàn kòn cau tàm mpồl hìu nhă bal ală jơi bơtiàn kòn cau Việt Nam tàm Tây Nguyên, geh lòt đùh sră tàm 5 rơbô 817 mpồl tĕ khà nàng pồ geh ală kuang bàng geh tơl niam, jăk chài mŭt tàm Quốc hội khoă 15 mờ HĐND ală cấp tơngai bơh nam 2021 tus 2026.

Cau mblàng Ndong Brawl